Sharaǵa Mańǵystaý oblysynyń ákimi E.Toǵjanov, «Qazteleradıo» AQ Basqarma tóraǵasy I.Tájibekov qatysty. Rásim barysynda buǵan deıin óńirge qyzmet etip kelgen analogty televızııalyq sıgnal taratýdy qamtamasyz etken jabdyq óshirilip, sıfrlyq efırlik teleradıo habarlaryn taratýdyń jańa múmkindikteri tanystyryldy.
Jańa júıe qala men aýdan halqynyń kórýine qoljetimdi televızııalyq arna sanyn kóbeıtýge múmkindik beredi, sonymen qatar Qazaqstannyń jalpy telekontenti naryǵynda otandyq telearnalar spektri keńeıip, respýblıka halqy halyqaralyq standarttarǵa jaýap beretin sapaly beınekontentke qol jetkizedi.
Jobany iske asyrý aıasynda Mańǵystaý oblysynda 21 radıotelevızııalyq stansa salynyp, jańǵyrtyldy. 600 myń halyq turatyn 47 eldi meken nemese oblys halqynyń 99 paıyzy qamtyldy. Halyq sany az bolýyna baılanysty sıfrlyq efırlik teleradıo habarlaryn taratý júıesine qosylmaǵan 14 eldimeken OTAU TV jerseriktik televızııasyna qosyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
Sýretti túsirgen Serik Maıemerov
