Tún ishinde tynyshtyqty buzý, spırttik ishimdik tutyný kórsetkishiniń artýy da sebep. Qylmystyń órshýi de baıqalǵan.
Al, qoǵamdyq qaýipsizdik, turǵyndardyń tynyshtyǵy - bárinen qymbat.
Mysaly, ótken jyly alkogol ónimin saýdalaýdyń óńir boıynsha 379 faktisi anyqtalǵan. Qoǵamdyq oryndarda mas kúıinde paıda bolǵany úshin 6248 adam jaýapkershilikke tartylypty. Ishimdikke táýeldi jáne nashaqor 200 adam májbúrli túrde emdelýge jiberilgen bolsa, 36 myńnan astam adam ýaqytsha beıimdeý ortalyqtaryna jetkizilgen.
- Al, oblys ortalyǵynda polısııaǵa 148 shaqyrtý túsken «Araı», «Gamardjoba», «Barsy», Ekibastuzda «Apelsın», «Verona», «Shekı» jáne Aqsýda «Ararat» dámhanalary, «Sultan» meıramhanalary jalpy krımınogendi sıpatqa ıe. Bul dámhanalardyń jumys ýaqyttaryn qysqartýǵa qatysty sheshim qabyldaýǵa oblystyq máslıhat tarapynan kelisim qajet, deıdi departament basshysynyń orynbasary Iýrıı Kolesnıkov.
Sondyqtan, oblystaǵy qalalarda, aýdan ortalyqtarynda turǵyn úılerge jaqyn nemese turǵyn úıde ornalasqan oıyn-saýyq oryndarynyń jumysyn 23.00-ge deıin, qalǵan nysandardyń jumysyn 01.00-ge deıin qysqartý usynyldy.
Farıda BYQAI,
«Egemen Qazaqstan»
Pavlodar
