Bul jarysqa tórt komanda birden joldama alyp otyr. Olar – Azııanyń klýbtyq chempıonatynyń jeńimpazy «Sýprım» (Taıland), Chempıondar lıgasynyń jeńimpazy «Vakyfbank» (Túrkııa), Ońtústik Amerıkanyń úzdigi «Mınas» (Brazılııa) jáne alań ıeleri retinde «Jejııang» (Qytaı). Al Qazaqstannyń «Altaı», Túrkııanyń «Ekzachıbashı Vıtra», Fransııanyń «Volero Le Kann» jáne Brazılııanyń «Praııa» komandalary «wildcard» arnaıy shaqyrtý qaǵazyna ıe boldy.
Álemniń klýbtyq chempıonaty 1991 jyldan beri uıymdastyrylyp keledi. Osy ýaqytqa deıin 11 márte jalaýy jelbiregen jarysta Túrkııanyń komandalary bes márte top jarǵan eken. Úsh ret brazılııalyq arýlardyń baǵy jansa, Italııa, Ázirbaıjan jáne Reseıdiń voleıbolshylary bir-bir retten dara shyqty. Al byltyr Japonııanyń Kobe qalasynda uıymdastyrylǵan dodada Ystambuldyń «Vakyfbanky» jeńimpaz atansa, Rıo de Janeıronyń «Reksona-Sesk» jáne Sıýrıhtyń «Valero» klýbtary júldegerler qatarynan kórindi.
Ǵalym SÚLEIMEN,
«Egemen Qazaqstan»
