Reseıdiń Italııadaǵy elshiliginen málim etkendeı, zardap shekkenderdiń arasynda máskeýlik SSKA fýtbol klýbynyń jankúıerleri bar.
Agenttiktiń habarlaýynsha, «Barlyǵy 30 adam jaraqattandy: jeteýi aýyr jaǵdaıda, taǵy bes adamnyń densaýlyǵy salystyrmaly jaǵdaıda aýyr dep baǵalanýda, 18-i jeńil jaraqat alǵan». «Repubblica» ortalyq metro stansasynda oqıǵa bolǵan ýaqytta SSKA-«Roma» matchyn tamashalaý úshin Olımpıadalyq stadıonǵa bara jatqan Reseı Federasııasynyń azamattary da bolǵan.
Oqıǵa kýágerleriniń aıtýynsha, kenetten eskalator jyldam qozǵala bastaǵan. Jolaýshylar túsip úlgermeı, biriniń ústine biri qulaı bastaǵan. Olardyń biri aıaǵynan aıyrylǵan. Metro alańyna polısııa qyzmetkerleri, qutqarý qyzmetteriniń kólikteri dereý jetken. Metro stansasy jabyldy.
