Besaryqta jańadan salynyp jatqan qurylys nysandarymen tanysqan halyq qalaýlylary 150-den astam aýyl turǵyndaryn jumyspen qamtyp otyrǵan «Abaı - Dáýlet» seriktestiginiń ujymymen júzdesti.
О́tken jyly ǵana jumysyn bastaǵan seriktestik bes myńnan astam qısary asyl tuqymdy qoıyn ósirip otyr. Túıesharýashylyǵy da bar,
-Bizdiń seriktestik birneshe baǵytta jumys jasaıdy. Iаǵnı, kúrish egip, ony О́zbekstan, Tájikstan elderine eksportqa shyǵarsa, 22 bas arýana túıesinen kúnine 70 lıtr túıe shubatyn óndirip, qala halqyna satýǵa shyǵaryp otyrmyz. Onan bólek 10000 túp alma aǵashyn otyrǵyzdyq. Kartop, qaýyn egip Reseı memleketine eksporttap otyrmyz. Bolshaqta mal sanyn kóbeıtip, asyldandyryp, et ónimderinde eksportqa shyǵaratyn bolamyz,-deıdi seriktestik dırektory Murat Abaıuly.
Depýtattar memlekettiń aldynda taıaý jyldarda óndiristi, shaǵyn jáne orta kásipti kóterý mindeti turǵandyǵyn aıtty.
- Álem qazir ǵaryshtyq jyldamdyqpen damyp otyrǵandyqtan kez-kelgen sátte adam oılamaǵan nárseler dúnıege kelýde.10 adam jasaıtyn jumysty 1 ǵana tehnıka atqaryp otyr. Munyń barlyǵy bizden asa qyraǵylyqty, shapshań qımyldaýdy, jedel beıimdelýdi jáne birneshe baǵytta toptasyp jumys jasaýdy talap etedi. Osy oraıda «Abaı-Dáýlet» JShS-niń jumysy kóńilge qonymdy eken,- dedi Qazaqstan Respýblıkasy Parlamenti Májilisiniń depýtaty, Parlament Májilisindegi «Nur Otan» partııasy depýtattyq fraksııasynyń múshesi Qojahan Jabaǵıev.
Baqtııar TAIJAN,
«Egemen Qazaqstan»
QYZYLORDA OBLYSY
