Foto: TJM
Aqtóbe oblysy Tótenshe jaǵdaılar departamenti basshysynyń orynbasary Evgenıı Ovcharskııdiń aıtýynsha, jalynnyń tez taralýyna shatyrdaǵy janǵysh materıal – aǵash qurylym áser etken. Qazirgi ýaqytta oqıǵa ornynda mamandar jumys júrgizip jatyr. Sonymen qatar sońǵy ret ákimdik ǵımaratynyń shatyry 2024 jyly jóndelgeni belgili boldy.
Oqıǵaǵa baılanysty Qylmystyq kodekstiń 292-baby «О́rt qaýipsizdigi talaptaryn buzý» boıynsha qylmystyq is qozǵaldy. Tergeý amaldary jalǵasyp jatyr.
О́rtten keıin ákimdik qyzmetkerleri ýaqytsha qashyqtan jumys isteý rejımine kóshirilgen. Alaıda, mekeme ókilderiniń aıtýynsha, ǵımaratta jumys isteýge múmkindik bar. Kúnniń ekinshi jartysynda qyzmetkerler qaıtadan keńselerine oralady dep josparlanyp otyr.
«6 qabattaǵy birneshe kabınet zardap shekti – órt sóndirý kezinde sýdan zaqymdanǵan. Qujattar aman. 5-qabattaǵy keıbir kabınetter de ishinara búlindi. Degenmen jumys isteýge jaǵdaı bar. Kúnniń ekinshi jartysynda qyzmetkerler jumys oryndaryna oralady», dedi Aqtóbe oblysy ákimdiginiń ishki saıasat bóliminiń basshysy Álibek Baıneshov.
Tótenshe jaǵdaılar mınıstrliginiń málimetinshe, órtpen kúres kezinde qıyndyqtar kóp bolǵan – jalynnyń keń aýmaqqa tez taralýy, qatty tútin, joǵary temperatýra jáne ǵımarattyń qurylymdyq erekshelikteri jumysty kúrdelendirgen.
О́rtti sóndirýge 80-nen astam adam men 30-ǵa jýyq tehnıka jumyldyrylǵan. Qutqarýshylar oqıǵa ornyna shaqyrtý túskennen keıin 5 mınýt ishinde jetken. Alǵashqy sátte ǵımarattyń birneshe jerinde birden úsh ashyq ot oshaǵy tirkelgen.
Mınıstrlik ókilderi órttiń tolyq sóndirilgenin 22:00-den keıin habarlady. Oqıǵa ornynda eki jedel járdem brıgadasy kezekshilik etkenmen, zardap shekkender men medısınalyq kómekke júgingender bolmaǵan.
О́ńir basshysy Ashat Shaharov túnde jedel shtab otyrysyn ótkizip, jaǵdaıdy baqylaýǵa aldy.
Aqtóbe oblysy ákimdigindegi órt: Ǵımarat elektr jelisinen tolyq ajyratyldy
Qazirgi ýaqytta mamandar órttiń naqty sebebin anyqtaý jumystaryn jalǵastyryp jatyr.
