Jańa nysan bedeldi uıymnyń joǵary halyqaralyq standarttaryna jáne qaýipsizdik talaptaryna saı jabdyqtalǵan. Munda BUU-nyń agenttikteri men ákimshilik ókilderi jumys jasaıtyn bolady. Keńseniń ashylý rásimine arnaıy kelgen IýNISEF-tiń Eýropa jáne Orta Azııa elderi boıynsha óńirlik dırektory Afshan Han Almatydaǵy jańa ofıstiń óńirlik ókildikter qyzmetine tyń serpilis beretinin jáne Qazaqstannyń órkendeýine zor úles qosatynyn, al Qazaqstannyń BBU odan ári damýyna barynsha yqpal etetinin atap ótti.
– О́z kezeginde BUU Bas hatshysynyń atynan Qazaqstanǵa, syrtqy ister mınıstrligine, qala ákimshiligine osyndaı ıgi sharalardy júzege asyrǵandary jáne barlyq óńirlerde turaqty damýdy maqsat etkenderi úshin alǵys aıtamyn. Bul jańa ofıs halyqaralyq uıymdarmen ǵana emes, sonymen qatar eldiń daryndy jastarymen yntymaqtastyqty odan ári nyǵaıtýǵa jańa múmkindikter beredi, – dedi Afshan Han.
Buǵan deıin shaharda iske qosylǵan «Qala adamdar úshin» konsepsııasy aıasynda qoǵamdyq keńistik modernızasııalanýda, ásirese múmkindigi shekteýli jandarǵa barlyq jaǵdaı jasalǵan. BUU-nyń damý Baǵdarlamasyna saı «Turaqty kólik» jobasy da júıeli júzege asyp keledi. Memleket basshysynyń ınstıtýsıonaldy reformalarynyń arqasynda turaqty ekonomıkalyq ósim qamtamasyz etilgen. Almatyda 29 konsýldyq pen saýda ókildikteri bar, sonymen qatar iri transulttyq kompanııalardyń 60-tan astam keńseleri ornalasqan.
Almatynyń turaqty damý qaǵıdasyn ustanatynyn tilge tıek etken qala ákimi Baýyrjan Baıbek: «Qazaqstan – beıbitshilikti súıetin ári qaýipsiz el. Biz qalany halyqaralyq uıymdardyń óńirlik habyna aınaldyrý úshin júıeli jumystar júrgizip kelemiz. Birikken Ulttar Uıymynyń jańa úıiniń tusaýkeseri bizdiń ortaq yntymaǵymyzdyń tarıhyna altyn áriptermen jazylatynyna senimdimin» dep atap ótti.
Atalǵan uıymnyń elimizdegi ókildigi jańa ǵımaratqa bıylǵy jyldyń sońyna deıin kóshedi dep josparlanǵan.
Arman OKTIаBR,
«Egemen Qazaqstan»
ALMATY
