2018 jylǵa arnalǵan makroekonomıkalyq kórsetkishter boljamy naqtylanyp, negizgi ssenarııde 2018 jyly munaıdyń baǵasy barrel úshin 55 AQSh dollardan 60 AQSh dollarǵa deıin artty.
2018 jylǵy nomınaldy JIО́ 58 242,9 mıllıard teńge kóleminde baǵalanady, bul 2017 jylǵy sáýirde maquldanǵan kórsetkishten salystyrmaly túrde 1 036,2 mıllıard teńgege joǵary. Halyqtyń jan basyna shaqqandaǵy JIО́ 9 114,2 AQSh dollaryn qurady. JIО́ naqty ósýi ózgergen joq jáne 103,8 paıyzdy qurap otyr.
Eksport boıynsha boljam 2,6 mıllıard AQSh dollaryna ulǵaıǵan jáne 56,5 mıllıard AQSh dollaryn quraıdy. Import kólemi 917,5 mıllıon AQSh dollaryna tómendeı otyryp, 33,2 mıllıard AQSh dollaryna deıin túzetilgen.
2018 jylǵa arnalǵan respýblıkalyq bıýdjettiń kirister boljamy (transfertter túsiminsiz) ózgerissiz qalyp, 5 718,2 mlrd. teńgeni qurap otyr. Transfertter túsimi 15,0 mıllıard teńgege ulǵaıýmen jalpy somasy
2 933,5 mıllıard teńge kóleminde kózdelgen.
Respýblıkalyq bıýdjet shyǵystary naqtylanǵan bıýdjetpen salystyrǵanda 12,6 mıllıard teńgege ulǵaıýmen 9 655,5 mıllıard teńge somasynda kózdelgen.
Memleket basshysynyń elimizdegi ákimshilik-aýmaqtyq qurylysty ózgertý, Shymkent jáne Túrkistan qalalarynyń ákimshilik mártebeleri týraly Jarlyǵyn iske asyrýǵa baılanysty 29,7 mıllıard teńge bólinedi.
Elbasynyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda aıtylǵan jekelegen tapsyrmalaryn oryndaý maqsatyndaǵy sharalar 39,4 mıllıard teńgemen qarjylandyrylady.
Prezıdenttiń «Qazaqstannyń úshinshi jańǵyrýy: jahandyq básekege qabilettilik», «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» jyl saıynǵy Joldaýlary men buryn qabyldanǵan mindettemeleri aıasyndaǵy tapsyrmalaryn iske asyrýǵa 44,5 mıllıard teńge baǵyttalady.
Qazaqstan Respýblıkasynyń Ulttyq qoryna túsetin túsimderdiń naqtylanǵan boljamy 2018 jyly jospardaǵydan 1 133,0 mıllıard teńgege ulǵaıýmen 3 138,1 mıllıard teńge somasynda belgilendi.
Zań jobasy Palatanyń qaraýyna jiberildi.
