Elordasy Astanadan kelgen qonaqtar fılıal ujymy jáne tyńdaýshylarymen kezdesip, bilim ordasynyń qyzmetimen tanysty.
Is-sharaǵa sondaı-aq Agenttiktiń aýmaqtyq departamentiniń basshysy Nurgúl Jannazarova, oblystyq arnaıy monıtorıng toby tóraıymynyń orynbasary Áset Manov jáne «Sybaılas jemqorlyqqa qarsy birinshi medıa-ortalyǵy» respýblıkalyq qoǵamdyq birlestiginiń oblystyq fılıalynyń ókili Beknar Bekentaev qatysty.
Zamanaýı talaptarǵa saı ınteraktıvti taqtalar, jańa aýdıo-vıdeo tehnıkamen jabdyqtalyp, kórkem bezendirilgen aýdıtorııalar, jáne fılıal kitaphanasyn aralap shyqqan astanalyq ókilder óz áserlerimen bólisip, jyly lebizderin bildirdi.
Aıta ketý qajet, 500-den astam memlekettik qyzmetshi qaıta daıarlaý jáne biliktiligin kóterý kýrstarynan ótip jatqan Akademııa fılıaly jańa standarttarǵa sáıkes jabdyqtalǵan ǵımaratqa kóship, jańashyl formattaǵy memlekettik qyzmetshilerdi daıyndaýǵa óz septigin tıgizýde.
Budan basqa, ortalyqtyń ókilderi N. Jantórın atyndaǵy oblystyq mýzykalyq drama teatrynyń ujymymen jáne jas memlekettik qyzmetshilermen kezdesý ótkizdi.
Alǵashqy kirispe sózinde aýmaqtyq departamenttiń basshysy Nurgúl Jannazarova jurtshylyqqa Astanadan kelgen qonaqtardy tanystyra otyryp, osyndaı beıresmı formattaǵy kezdesýlerdiń «О́zgeristerdi ózińnen basta» kishi baǵdarlamasyn júzege asyrý sheńberinde memlekettik qyzmetshilerdiń áleýetin ashýǵa, kúndelikti qyzmet barysynda týyndaıtyn máselelerdiń aldyn alýǵa, qyzmet sapasyn kóterýge sebep bolatyndyǵyn jáne aýmaqtyq departament tarapynan beıresmı formattaǵy kezdesýlerdiń dástúrge aınalǵandyǵyn jetkizdi.
Sonymen birge, aýmaqtyq departament basshysy N.Jantórın atyndaǵy oblystyq-mýzykalyq drama teatrynda sybaılas jemqorlyq sıpatyndaǵy qylmystyq isterdi ómirmen baılanystyryp, sahna tórine shyǵarýdy usyndy.
О́z kezeginde, Agenttik ókili Arman Berdalın teatrdyń azamattardyń boıyna ulttyq qundylyqtardy darytýǵa birden bir rýhanı tárbıe quraly ekendigin aıta otyryp, Agenttikte belgili aqyn-jazýshylar, kompozıtorlar men ózge de óner maıtalmandarymen kezdesýler jıi uıymdastyrylatynyn basa aıtty.
- «Bolashaqqa baǵdar – Rýhanı jańǵyrý» aıasynda «О́zgeristerdi ózińnen basta» jobasy boıynsha Agenttik úlken jumystar atqaryp jatyr. Osy sapar barysynda óner, teatr, mádenıet salasynyń qyzmetkerlerimen, qaıratkerlerimen kezdesip, jemqorlyqty jeńý jolynda birigip jumys isteýge úndeý tastap jatyrmyz. Babalarymyz «aýyryp em izdegenshe, aýyrmaıtyn jol izde» deıdi. Demek sahna arqyly urpaqty, ultty tárbıeleýimiz kerek. Bul kisiler sahnadaǵy qoıylymdary arqyly halyqqa urlyqtyń túbi qorlyq bolatyndyǵyn, jaqsylyqqa aparmaıtyndyǵyn jetkizetin bolsa, ondaı dúnıe kórermenderdiń sanasyna tez jetedi degen oıdamyz, dep túıindeıdi A.Berdalın.
Respýblıkalyq arnaıy monıtorıng tobynyń múshesi Yrza Tursynzada sybaılas jemqorlyqqa qarsy is-qımyl, boıynsha óz oıymen bólisti. Belgili etnodızaınerdiń aıtýynsha, qazaqtyń tektiligi namysshyldyǵy, ar-ojdany urpaqqa qaıta oralsa, óz týǵan jerinde ómir súrip júrgen eshbir pende paraǵa urynbaıdy. Bul dertke qarsy turatyn bizdiń rýhymyz, namysymyz, bolmysymyz ǵana. Ol para alyp, isti bolyp, jazasyn ótegende emes, ol sol jaǵdaıǵa jetkizbeı ár adamnyń júreginiń túbinde oıaný kerek.
О́ner ordasynyń dırektory, Qazaqstan Respýblıkasynyń eńbegi sńgen qaıratkeri, «Qurmet» ordeniniń ıegeri Nurnııaz Muqanov teatrlyq qoıylymdarǵa jurtshylyqtyń yqylasy kúnnen-kúnge artyp kele jatqandyǵyn, aýmaqtyq departamentpen birlesip qoǵamda sybaılas jemqorlyqqa qarsy mádenıetti qalyptastyrýǵa yqpal etýge daıyn ekendikterin aıtty.
Áserli áńgime, keleli kezdesý, jaıdarly júzdesý teatr qyzmetkerleriniń ónerin tamashalaýmen, erkin formattaǵy suhbat alańymen jalǵasyn tapty.
Agenttik jáne respýblıkalyq arnaıy monıtorıng tobynyń ókilderi sol kúni Aqtaý qalasy ákimdiginde jas memlekettik qyzmetshilermen kezdesti.
Is-sharaǵa Agenttiktiń aýmaqtyq departamentiniń basshysy Nurgúl Jannazarova, oblystyq arnaıy monıtorıng tobynyń jáne buqaralyq aqparat quraldarynyń ókilderi qatysty.
Agenttik ókili A.Berdalın respýblıkalyq arnaıy monıtorıng tobynyń maqsaty men mindetterine, ortalyq deńgeıde qolǵa alynǵan jobalarǵa jáne jyl basynan bergi respýblıka boıynsha sybaılas jemqorlyq derekter boıynsha statıstıkalyq málimetterge toqtalyp, sybaılas jemqorlyqqa qarsy is-qımyldy tıimdi júrgizý úshin, qoǵamda sybaılas jemqorlyqqa qarsy mádenıetti qalyptastyrýdyń, jas urpaqty tárbıeleýdiń mańyzdylyǵyna toqtaldy.
Budan basqa, spıkerdiń aıtýynsha Facebook áleýmettik jelisindegi jeke paraqshasyna kez-kelgen turǵynnyń óz kókeıindegi oı-pikirin joldaýǵa tolyq múmkindigi bar, jurtyshylyqpen keri baılanys mehanızmderin jetildirý baǵytyndaǵy qolǵa alynǵan bul bastamalar ýákiletti organnyń ashyqtyǵynyń dáleli.
Spıkerdiń toqtalǵan taǵy bir máselesi Elbasynyń «Bolashaqqa baǵdar – Rýhanı jańǵyrý» maqalasynan týyndaǵan «О́zgeristerdi ózińnen basta» kishi baǵdarlamasynyń aımaqtarda júzege asyrylýy. Agenttiktiń bul baǵyttaǵy ustanymy – ár oblysta baǵdarlamany júzege asyratyn jas memlekettik qyzmetshilerden quralǵan toptar qurý jáne jańashyl, kreatıvti ıdeıalar arqyly ózgeristerdi memlekettik organdar qyzmetkerleriniń ózderinen bastaý.
Respýblıkalyq arnaıy monıtorıng tobynyń múshesi Yrza Tursynzadanyń pikirinshe ult bolyp uıysýdyń basty tetigi – rýhanı tárbıe, ıaǵnı jas urpaqtyń boıynda adamgershilik, ádeptilik, adaldyq sııaqty qasıetterdi qalyptastyrý. Sonda ǵana sybaılas jemqorlyq sııaqty teris qubylystyń qoǵam ómirinde joly kesiledi.
Is-shara barysynda Agenttik pen arnaıy monıtorıng tobynyń ókilderi kókeıindegi memlekettik qyzmetshilerdiń suraqtaryna jaýap berip, usynys-pikirlerin tyńdady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
