Shara uıymdastyrýshylar – Qazaqstandaǵy Birikken Ulttar Uıymynyń Damý baǵdarlamasy, Qazaqstan Respýblıkasy Aýyl sharýashylyq mınıstrliginiń Orman sharýashylyǵy jáne janýarlar dúnıesi komıteti men «Barys» HK.
Aksııa ótken kúni «Barys Arena» saraıy foıesinde jankúıerlerdi aýqymdy oıyn-saýyq baǵdarlamasymen qýantty. Olarǵa arnaıy fotozona uıymdastyrylyp, vıktorına men syılyqtardyń utys oıyny ótkizilip, ımıdjdik ónim taratylyp, buǵan qosa, úl ólshemdi keskin aımaǵy uıymdastyryldy. Sońǵysynda tolyqtyrylǵan shyndyq arnaıy mobıldik qosymshasy arqyly anımasııalanǵan qar barysymen foto jáne beınetúsirilim jasaýǵa múmkindik berildi.
Match bastalmas buryn «Barys Arenanyń» teledıdarlyq kýbynda qar barysyn saqtap qalý taqyryby boıynsha beınerolık kórsetildi. Al, budan keıin jas «barysshylar» #QarBarysynSaqta urany jazylǵan sımvolıkalyq jalaýdy shyǵardy. Qazaqstandaǵy BUU Turaqty Úılestirýshisi/BUUDB Turaqty О́kili Norımasa Shımomýraǵa «Barys» jáne «Dınamo» komandalary kapıtandarynyń qatysýymen shaıba laqtyrýdan qurmetti mıssııasy buıyrdy. Qazaqstandaǵy BUUDB Turaqty ókiliniń orynbasary Vıtalıı Vremısh úzdik oıynshylarǵa estelik syılyqtar tabystady.
Al, match qorytyndysy qazaqstandyq jankúıerleri qýantty: «Barys» HK Mınskiniń «Dınamo» klýbyn 3-1 esebimen jeńdi.
BUUDB jobasynyń menedjeri Talǵat Kerteshevtiń sózinshe, bul aksııa «Barys» HK jankúıerleri jáne hokkeıdi jaqsy kóretin adamdardyń nazaryn Qazaqstandaǵy qar barysyn saqtaýǵa aýdarýǵa múmkindik berdi. Jankúıerler men kórermenderge túsinikti túrde Qazaqstannyń taý shyńdaryn meken etetin ań týraly málimet berildi.
Sharaǵa hokkeı jankúıerlerinen bólek qar barysy tirshilik etetin elderdiń (Úndistan, Tájikstan, О́zbekstan) elshilikteriniń, sonymen birge Shveısarııa, Belarýs Respýblıkasy men Eýropalyq Odaq delegasııasynyń ókilderi qatysty.
2018 jylǵy 23 qyrkúıekten 27 qazanǵa deıin Qazaqstanda «Qar barysyn saqta!» respýblıkalyq festıvali ótip jatqanyn esterińizge salamyz. Onyń maqsaty – Qazaqstan qoǵamyn qar barysy popýlıasııasyn saqtaý boıynsha sharalar qabyldaý qajettigi týraly habarlandyrý. Festıval aıasynda 23 qyrkúıekten 20 qazanǵa deıin «Birge qar barysyn saqtaıyq!» atty balalardyń sýret salý boıynsha konkýrsy ótti. 27 qazanda Shymkent qalasynda onyń nátıjesi shyǵarylyp, sonymen birge kórkemóner kórmesin uıymdastyrý, konkýrs jeńipazdaryn marapattaý rásimin ótkizý josparlanyp otyr.
