«Samuryq-Qazyna» ulttyq ál-aýqat qory» AQ Basqarma Tóraǵasynyń orynbasary A.S. Aıdarbaev oblysqa jumys barysy aıasynda Qyzylorda oblysynyń ákimi Q.E. Kósherbaevpen birge «Shalqııa» ken ornyndaǵy ken baıytý kombınatynyń irgetasyn qalaý rásimine qatysty.
Sonymen birge, Qyzylorda oblysy ákimdigi, «Shalqııa Sınk LTD» AQ jáne «Dobersek» nemis kompanııasy arasynda ózara yntymaqtastyq týraly úshjaqty memorandýmǵa qol qoıyldy.
«Atalǵan joba Memleket basshysynyń qoldaýymen júzege asyrylǵanyn atap ótkim keledi. Jobany iske asyrý Syr óńiriniń ekonomıkasyn damytý ǵana emes, respýblıka ekonomıkasyn damytýǵa qyzmet etetin bolady. Bolashaqta munda reseılik joǵary oqý oryndaryndaǵy túlekterimiz ben jergilikti turǵyndar arasynan mamandar jumysqa ornalasady», dedi oblys ákimi Q. Kósherbaev.
«Qarjylandyrýdyń barlyq máseleleri sheshildi, kelesi kezekte - taý-ken kelisimsharty jáne jóndeý jumystaryn júrgizý. Joba merziminde jáne tıimdi júzege asyrylady dep úmittenemin, bul bizdiń ortaq mindetimiz dep sanaımyn», dep atap ótti «Samuryq-Qazyna UÁQ» AQ Basqarma tóraǵasynyń orynbasary Alık Aıdarbaev.
2016 jyldyń mamyr aıynan bastap ken ornynda ken baıytý kombınatynyń qurylysyna daıyndyq jumystary bastalǵan bolatyn. «Shalqııa» ken ornynda ken baıytý kombınatynyń qurylysy jobasy Indýstrııalandyrý kartasynyń ekinshi besjyldyǵy aıasynda júzege asyrylýda. Joba quny – 650 mln. AQSh dollaryn quraıdy. Kásiporynda qurylys kezeńinde 1,0 myńǵa jýyq, al iske qosylǵannan keıin 1500 astam jańa jumys orny qurylatyn bolady.
Kásiporyn kendi vertıkaldy-konveıerlik ádispen baıytý jáne óndirý boıynsha ınnovasııalyq ádisti qoldanady.
Joba Eýropalyq qaıta qurý jáne damý bankimen qarjylandyrylady.
Atap ótý qajet, aǵymdaǵy jyly 2 qazanda London qalasynda «Taý-Ken Samruq» AQ jáne «Dobersek» nemis kompanııasy arasynda «Shalqııa» ken ornynda ken baıytý kompanııasynyń qurylysyn júrgizý týraly ERS-kelisimge qol qoıyldy.
Shalqııa – JORC klassıfıkasııasy boıynsha kólemi álemde dáleldengen jáne yqtımal qorlar boıynsha 5 oryndaǵy jáne myrysh qory 6,5 mln. tonnany quraıtyn qorǵasyn-myryshty ken orny bolyp tabylady. Sonymen qatar, BrookHunt zertteýshi kompanııasynyń málimeti boıynsha Shalqııa ken ornyndaǵy myrysh qory Qazaqstan Respýblıkasyndaǵy barlyq myrysh qorynyń 30% quraıdy. Atalǵan ken ornyn ıgerý myrysh naryǵynda iri kompanııalardyń biri bolýǵa jáne úlken kólemde qorǵasyn óndirýge múmkindik beredi.
Munan soń «Qazgermunaı» BK» JShS-niń ahýaldyq ortalyǵy boldy, onda delegasııa «Aqyldy ken orny» sıfrlyq tehnologııasyn engizý jumysymen tanysty.
Bul tehnologııany engizý nátıjesinde munaı óndirý kólemin 1-2% - ǵa, jóndeý aralyq kezeńin 700 kúnge deıin ulǵaıtý, operasııalyq shyǵyndardy 10% - ǵa tómendetýge jáne basqarýshylyq sheshimderdiń tıimdiligin 20% - ǵa arttyrý josparlanýda.
