Birden aıta keteıik, alýan qustyń qanaty jıi qaǵylatyn óńirdiń bolashaǵy óte zor. Ásirese týrızm salasynda tústik jerden ózine tartatyn tartymdy tustary kóp-aq. Álemniń ár qıyryndaǵy tabıǵat tylsymyna degen qyzyǵýshylyǵy bar jurt sıqyrly álemniń syryna qanǵysy keledi-aq. Kóptiń kórgisi keletini, álbette, qoqıqaz. Bul jolǵy sharany uıymdastyrýǵa Qazaqstannyń bıoártúrliligin saqtaý qory, Qorǵaljyn ekologııalyq observatorııasy jáne «Qorǵaljyn» memlekettik tabıǵı qoryǵy at salysty.
– Aldaǵy ýaqytta qoryq aýmaǵynda mazmundy sharalardy jıi ótkizbekshimiz,–deıdi oblys ákiminiń orynbasary Marat Iǵalı. – Bul óńirdegi áralýan tirshilik ıeleri kópshiliktiń qyzyǵýshylyǵyn týdyrýda.
Festıval aıasynda AQSh elshiliginiń grantyna salynǵan ornıtologııalyq ortalyq tanystyryldy. Bul ortalyqtyń jumysy ásirese, oqýshylardyń qyzyǵýshylyǵyn týdyrdy. Onyń da sebebi bar. Ústimizdegi oqý jyly elimizdiń birqatar mektepterinde ekologııalyq tárbıe baǵdarlamasy engizilip otyr. Al ornıtologııalyq baqylaýdan áldeneshe dáris toptamasy qamtylǵan.
Uıymdastyrýshylardyń aıtýyna qaraǵanda, keler jyly bul festıval halyqaralyq deńgeıde ótkizilmek. Eresektermen qosa, jetkinshekterdi de tartý josparlanýda. Bıyl balalar shyǵarmashylyq baıqaýy ótkizilip, qorytyndysy shyǵaryldy. Baıqaý beıneleý óneri, dekoratıvtik-qoldanbaly óner, qysqametrli fılm, fotosýret jáne ekologııalyq ertegi atalymdary boıynsha ótkizildi. Jeńimpazdardyń sýretteri Qazaqstannyń bıoártúrliligin saqtaý qorynyń kúntizbesinde jarııalanbaq.
Baıqal BAIÁDIL,
«Egemen Qazaqstan»
Aqmola oblysy,
Qorǵaljyn aýdany
