Búginde Alataý aýdany megapolıstiń jedel órken jaıǵan eldi óńirine aınaldy. On jyl ishinde turǵyndary 70%-ke ósip, halyq sany 250 myńnan asyp jyǵylǵan. Ortalyqtandyrý qaǵıdasy boıynsha munda 12 mektep, osynshama medısınalyq mekeme, sonymen qatar 98 memlekettik jáne jeke bala baqshalar ashylǵan.
Shahar basshysy óz sózinde, 10 jyl ishinde aýdandy damytýǵa 430 mlrd. teńge jumsalǵanyn, 30 myńnan astam jumys orny qurylǵanyn, 2,7 mln.kv.m. turǵyn úı salynǵanyn aıtady.
– Elbasy osy 10 jylda Alataý aýdanyna 10 ret keldi. Memleket basshysy aýdannyń damý barysymen turaqty tanysyp, udaıy qoldaý bildirýiniń arqasynda búginde Alataý aýdany qala turǵyndary men qonaqtary úshin jańa ortalyqqa aınaldy. Búgingi kúni qalamyzdyń árbir 7-shi turǵyny Alataý aýdanynda turady, sondyqtan jaıly qala keńistigin qurý maqsatynda bıylǵy jyly 600 oryndy taǵy bir mektep jáne 880 oryndy tórt jańa bala baqsha iske qosylady. Bulardan ózge, taǵy bir jańa aýrýhana men eki emhana salynady – deıdi Baýyrjan Baıbek.
Bolashaqta Alataý aýdany Almatynyń qýatty óndiris ortalyǵyna aınalmaq. Indýstrııalandyrý baǵdarlamasy aıasynda munda arnaıy Indýstrıaldy aımaq quryldy. Qyrkúıek aıynda ǵana aýdanda japondyq, reseılik, qytaılyq jáne ıtalıandyq ınvestısııalar esebinen birneshe joǵary tehnologııaly zaýyttar iske qosylǵan bolatyn.
Aýdan aýmaǵynda boı túzegen birqatar mádenı jáne sport obektilerdiń orny bólek. Olardyń ishinde «Alataý» dástúrli óner tetatry, dástúrli mýzykanyń mýltımedııalyq ortalyǵy, Qolónershiler ortalyǵy, «Almaty arena» jáne «Rýhanı jańǵyrý» baǵdarlamasy sheńberinde jeke qarjy esebinen salynǵan jeńil atlet stadıonyn aıryqsha ataýǵa bolady.
Kún sanap tolaǵaıdap tolysqan jas aýdannyń 10 jyldyǵy keń kólemde atap ótildi. Arnaıy konserttik baǵdarlama men túrli sporttyq sharalar uıymdastyrylyp, Almaty aspanyn án terbedi.
Arman OKTIаBR,
«Egemen Qazaqstan»
ALMATY
