Qazaqtyń tenor daýysty birtýar ánshici Ámire Qashaýbaevtyń ǵumyryn baıandaıtyn fılmdi Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ «Dar Play» kompanııasymen birlese túsirgen.
Aıta ketsek, festıvaldiń alǵashqy kezeńinde Silver Screen Award júldesi úshin ár eldiń birneshe fılmi úmitker bolyp, baıqaýda baq synady. Bul kezeńde Qazaqstan atynan alty birdeı kınotýyndy – úsh tolyqmetrajdy jáne úsh qysqametrajdy fılmder usynylǵan bolatyn. «Ámire» kartınasymen qatar Sh.Aımanov atyndaǵy «Qazaqfılm» kınostýdııasy jaryqqa shyǵarǵan úsh fılm baq synady, olar: tolyqmetrajdy fılmder baıqaýynda Tólegen Baıtókenovtyń «Satash» fılmi jáne Eljas Raqymbekovtyń «El Frıman» kartınasy bolsa, qysqametrajdy fılmder bólimine Berik Jahanovtyń «Asan» fılmi qatysty. Festıvalde «Ámire» fılmin rejısser Djeff Vespa tanystyrdy.
– Festıvaldiń qatysýshylary óz fılmderimen maqtana alady, óıtkeni 2018 jyldyń fılmderi joǵary dárejede túsirilgen, – dedi Hollywood Film Festival prezıdenti Bred Parks.
«Bıylǵy jyldyń konkýrsynda sapaly ári saýatty túsirilgen týyndylardyń kóp bolǵanyn erekshe atap ótkim keledi. Festıvaldiń bas júldesine qol jetkizip, qazylar alqasynyń qurmetine ıe bolý – úlken jetistik», – dedi festıvaldiń baǵdarlamalar dırektory Holger Karlsson.
Aıgúl AHANBAIQZY,
«Egemen Qazaqstan»
ALMATY
