Jahandyq aýqymda bul jobanyń ekinshi lotyn tapsyrý - eldiń asa mańyzdy ekonomıkalyq mańyzy bar «Batys Eýropa ‒ Batys Qytaı» halyqaralyq kólik dáliziniń taǵy bir daıyn ýchaskesin alǵanyn bildiredi.
«Asýmen kele jatqan eski jol – ekinshi kategorııaǵa jatady, ‒ deıdi joba jetekshisi Shatbek Baısynov. Bul asýda ol kóliktiń ósip kele jatqan aǵyny úshin qaýipsiz emes, sonymen qatar, ásirese qysqy ýaqytta bul jerde únemi keptelis oryn alady».
I B sanattaǵy jańa jol endi asýlardy aınalyp ótip, kólik júrgizýshilerge ýaqytty únemdep qana qoımaı, ózderin qaýipsiz jáne jaıly sezinýge múmkindik beredi. Onyń basym bóligi betondy, biraq tik betkeıler men burylystar asfalttalǵan. Bul, ásirese, qysqy ýaqytta, kólik dóńgeleginiń jolmen birkelki janasa qozǵalýyna múkindik beredi.
Uzyndyǵy 40 km eki jolaqty joldyń aıaqtalǵan ýchaskesi tolyq jıyntyqta tapsyryldy: bólý jolaǵy, avtokólik turaǵyna arnalǵan alańdar, elektr berý jelileri, avtobýs aıaldamasy, jol aıryqtar, jol patrýldik beketi bar. Joldyń eni 7,5 metr. Qozǵalystyń eseptik jyldamdyǵy 100-120 km/saǵ.
Klımattyń qatty ystyq ári úzdiksiz jel ekenin eskergende, jumystar ótken jyldan bastap júrgizildi. Tabıǵat birneshe ret jumysqa kedergi keltirgenimen, tapqyr qurylysshylar tyǵyryqtan shyǵar jol taýyp, obektini ýaqytynda tapsyra bildi.
«Betonnyń ózine tán qasıeti bar, ‒ dep atap ótti Shatbek Baısynov, ‒ eger ony +25 gradýstan joǵary temperatýrada tósese, ol tym tez kebedi jáne birkelki bolmaıdy. Jel jumysqa kedergi keltirdi, sekýndyna 7-10 m bolǵan kezde biz jumysty toqtattyq.
Alaıda, tájirıbeli komandaǵa tabıǵat – esh tosqaýyl bola almady. Ońtústiktiń jyly klımatyn paıdalana otyryp, munda jumystar eki aýysymda júrgizildi, bul qajetti qarqyn men nátıjeni qamtamasyz etti.
Esterińizge sala keteıik, ótken jyly «Kazahdorstroı» dıvızıony osy trassanyń 40 shaqyrymdyq birinshi lotyn paıdalanýǵa berdi.
