Qazaqstan óziniń táýelsizdik jyldarynda Prezıdent N.Nazarbaevtyń bastamalary arqasynda kóptegen jetistikterge qol jetkizdi. Memleket basshysynyń qolǵa alǵan árbir bastamasy tyńǵylyqty ári nátıjeli iske asty.
Olardyń arasyndaǵy eń ózektileri syrtqy saıası baılanystardy ornatý, ishki turaqtylyqty qamtamasyz etý, eldiń halyqaralyq qoǵamdastyqtaǵy ornyn naqtylaý, nyǵaıtý boldy. Ýaqyt óte kele joǵarydaǵy mindetterdiń barlyǵy eńserildi.
Qazirgi tańda Qazaqstan Ortalyq Azııada kóshbasshylyq rólge ǵana ıe emes, óziniń kóptegen ınnovasııalyq bastamalaryn júzege asyrý nátıjesinde az ǵana ýaqyttyń ishinde álem elderi arasynda úlken bedelge ıe boldy. Qazaqstan búginge deıin 300 mlrd AQSh dollary kóleminde sheteldik tikeleı ınvestısııa tartqan. Sondaı-aq Qazaqstan TMD elderi arasynda birinshi bolyp EKSPO halyqaralyq kórmesin uıymdastyrdy. Qazirgi kezde Qazaqstan Dúnıejúzilik banktiń bıznes júrgizý jeńildigi reıtınginde 190 eldiń ishinde 36-shy orynda tur.
Prezıdent N.Nazarbaev óziniń jyl saıynǵy Joldaýlary arqyly eldi damytý, halyqtyń jaǵdaıyn jaqsartý, áleýmettik máselelerdi sheshý joldaryn kórsetip keledi. Máselen, Prezıdenttiń 2018 jyldyń
5 qazanyndaǵy Joldaýy «Qazaqstandyqtardyń ál-aýqatynyń ósýi: tabys pen turmys sapasyn arttyrý» taqyrybymen jarııalandy. Onda barsha qazaqstandyqtardy tolǵandyryp júrgen máselelerge basa nazar aýdarylǵan. Naqtylaı aıtqanda, Joldaýda halyq tabysyn, ómir súrý sapasyn arttyrý, ómir súrýge jaıly orta qalyptastyrý, azamattar suranysyna beıimdelgen memlekettik apparat qurý jáne Qazaqstannyń árbir azamatyn jańa ózgeristerge beıimdeý máseleleri qamtylǵan.
Sonymen qatar Joldaýda Qazaqstannyń syrtqy saıasat salasyndaǵy tıimdi baǵyttary atap kórsetilgen. Onyń ishinde, ásirese Ortalyq Azııa elderimen yntymaqtastyqty damytý, eldiń BUU QK-niń turaqty emes múshesi retindegi mıssııasyn sátti aıaqtaý jáne basqa da mańyzdy máseleler qozǵalǵan.
Qoryta aıtqanda, Joldaýda halyqtyń áleýmettik, mádenı jáne ekonomıkalyq turǵydaǵy jaǵdaıyn jaqsartýǵa barynsha kóńil bólingen. Bul Prezıdent N.Nazarbaevtyń bıylǵy
5 qazanda jarııalaǵan Joldaýynyń basty ereksheligi bolyp tabylady.
Gaýr PÝNIT,
doktor PhD, dosent (Úndistan)
