«Biz baýyrlas Qyrǵyzstanmen qarym-qatynasqa erekshe mán berip, ony strategııalyq seriktes ári tatý kórshi sanaımyz», dedi kezdesýde Q.Ábdirahmanov.
Taraptar óńirlik kooperasııa, shekaralyq seriktestik, sý-energetıka salasy, saýda-ekonomıkalyq yntymaqtastyq máselelerdiń keń aýqymy boıynsha pikir almasty.
«Bizdiń basty maqsatymyz – Qazaqstan Prezıdenti Nursultan Nazarbaev pen Qyrǵyzstan Prezıdenti Sooronbaı Jeenbekov arasyndaǵy Astana jáne Cholpan-Atada qol jetkizilgen ýaǵdalastyqtardy júzege asyrý. Biz prezıdentterdiń kóptegen tapsyrmalary oryndalǵanyna jáne aldaǵy josparlardy júzege asyrýda taraptardyń belsendi ózara is-qımyly jalǵasatyndyǵyn qanaǵattanýshylyqpen atap ótemiz», dedi qazaqstandyq mınıstr. Kezdesý barysynda ózara saýda-sattyq kólemin ulǵaıtýǵa jáne onyń qurylymyn ártaraptandyrýǵa, ekonomıkanyń jańa sektorlarynda birlesken ınvestısııalyq jobalardy iske asyrýǵa, sonyń ishinde «Astana» Halyqaralyq qarjy ortalyǵynda praktıkalyq sharalardy júzege asyrýǵa qatysty máseleler aıtyldy. Eki eldiń bıznes-qurylymdary úshin elektrondy saýda, qarjy qyzmetteri, óńdeý jáne azyq-túlik ónerkásibi, sondaı-aq sıfrly ındýstrııa sııaqty salalarda ózara tıimdi yntymaqtastyqty ashý boıynsha jańa múmkindikter ashylýda.
Eýrazııa keńistiginde beıbit-
shilik pen turaqtylyqty nyǵaıtýǵa járdemdesýge degen ortaq nıet aıtyldy. Halyqaralyq saıasattyń ózekti máseleleri boıynsha uqsas ustanymdardy anyqtaı otyryp, taraptar BUU, Shanhaı yntymaqtastyq uıymy, Ujymdyq qaýipsizdik týraly shart uıymy, Eýrazııalyq ekonomıkalyq odaq, Azııadaǵy ózara is-qımyl jáne senim sharalary jónindegi keńes, Túrki tildes memleketterdiń yntymaqtastyq keńesi, Eýropadaǵy qaýipsizdik jáne yntymaqtastyq uıymy jáne basqa da kópjaqty qurylymdar sheńberindegi yntymaqtastyqty jandandyrý nıetin rastady.
Qazaqstannyń statıstıkalyq málimetine sáıkes 2018 jyldyń alǵashqy jeti aıynda Qazaqstan men Qyrǵyzstan arasyndaǵy ózara saýda kólemi 18 paıyzǵa ósip, 486 mln AQSh dollaryn qurady.
«Egemen-aqparat»
