Onkologııalyq jedel járdem – bul Almatydaǵy qaterli isikke shaldyqqan, úılerinde aýyr hálde jatqan balalarǵa baryp qyzmet kórsetetin jalǵyz ortalyq.
«Qazir «Men senimen birgemin!» hospısiniń qamqorlyǵynda 238 bala bar. Bul balalardyń 12-si ǵana ortalyqta em alýda. Qalǵandaryna úılerine baryp medısınalyq járdem berip otyrýǵa týra keledi. Kún saıyn onkologııalyq jedel járdem qyzmeti balalarǵa medısınalyq qana emes, materıaldyq, psıhologııalyq ári áleýmettik kómek beredi. Sondyqtan hospıstyń qarjylyq qoldaý taýyp otyrýy asa mańyzdy. Osy turǵydan kelgende biz aksııany júrgizgen Henkel kompanııasy men «MagnumCash&Carry» saýda jelileri jáne barsha satyp alýshylarǵa rızamyz. Osy sharanyń arqasynda balalar hospısi jumysyn toqtatpaıdy, – deıdi «Salamatty Azııa» qory dırektorynyń orynbasary Igor Fedorenko.
Eń basty qazir «Men senimen birgemin!» hospısyndaǵylar onkologııalyq aýrýdan aıyǵyp ketýge bolatynyn biledi. Mysaly, 2017 jyly dertin jeńgen 72 bala esepten shyǵaryldy. Qazir hospıs «Qaısarlyq qoraby» jobasy úshin oıynshyqtar men qarajat jınaýda. Bul bastamaǵa uıytqy bolýshylar «Qaısarlyq qorabynan» shyqqan oıynshyqtar balalarǵa aýyr emdik prosedýlar men úlken apparattarǵa tekseriler aldynda aldandyrady, kúsh-qýat beredi jáne qýanysh syılaıdy dep biledi.
Sondyqtan da «Henkel» men «MagnumCash&Carry» qyzmetkerleri kezekti ret jobany jalǵastyý qajet dep sheship, onyń nátıjeli bolýyna kúsh saldy.
Sonymen «Sen+ Henkel + Magnum =Meıirim» aksııasy 9 tamyz ben 5 qyrkúıek arasynda júrdi. Henkel kompanııasynyń Qazaqstandaǵy búkil «MagnumCash&Carry» dúkenderinde satylǵan árbir taýarynan 50 teńge turaqty túrde «Salamatty Azııa» qoryna «Men senimen birgemin!» balalar hospısi úshin aýdarylyp otyrdy.
– Aksııa aıasynda 2015 jyly jınalǵan qarajatqa balalar úılerine berilip, mektepke baratyn kıim-keshekter alyndy. 2016 jyly balalar úılerine 170 sporttyq kostıýmder áperdik. О́tken jyly jınalǵan 2 mıllıon teńge qaterli isikken shaldyqqan qyz balaǵa kúrdeli ota jasatý úshin «Meıirimdilik erikti qoǵamy» qoǵamdyq qoryna berildi. Biz aýyr naýqasqa ushyraǵan kishkentaı qyzǵa jasalǵan ota sátti ótkenine óte qýandyq. Bul qarajat bir adamnyń bolsa da ómirine arasha bola aldy. Bıyl jınalǵan aqsha Almaty onkologııalyq balalar hospısynyń kádesine jaratylyp, járdem bolady, – Henkel kompanııasynyń sheshýshi klıentteri jónindegi Ulttyq menedjeri Gleb Abdýllın.
Aınash ESALI,
«Egemen Qazaqstan»
ALMATY
