Teatr ǵımaratynyń lentasy «Qazaqstan – Eýrazııa júregi» atty Ortalyq Azııa elderiniń VII halyqaralyq teatr festıvaliniń ashylýyna oraı qıyldy. Bıyl bul óner dodasy Temirbek Júrgenovtyń týǵanyna 120 jyl tolýy qurmetine ótkizilip otyr.
Jalpy, elimiz boıynsha eń qysqa merzim ishinde salynǵan teatr ǵımaraty 510 orynǵa laıyqtalǵan. Baǵzy eýropalyq sáýlet pen tamyry tereń qazaqy mádenıettiń sıpattaryn qazirgi zamanǵy ozyq tásildermen bádizdeı órgen teatr úıi 2 qbattan turady. Aýmaǵy 10538 sharshy metr. Qazir jańa ǵımaratqa Bıken Rımova atyndaǵy Taldyqorǵan teatry kóship, qonystanyp úlgerdi. Keshe teatr sahnasynyń tusaýy M.Áýezovtyń «Aıman-Sholpan» mýzykaly dramasymen kesildi. Spektakldi qazaqtyń daryndy rejısseri Nurǵanat Jaqypbaı sahnalady.
Qalmahanbet MUQAMETQALI,
«Egemen Qazaqstan»
Almaty oblysy
