Astana qalasy ákimdiginiń uıytqy bolýymen ótkizilgen festıvaldyń maqsaty − jastar arasyndaǵy etnosaralyq yntymaqtastyqty damytý men olardyń shyǵarmashylyq qabiletterin arttyrý.
Jyl boıy qala ákimdiginiń uıymdastyrýymen jastarǵa baǵyttalǵan kóptegen is-shara uıymdastyrylady. Qalamyzdaǵy 20-dan astam etnomádenı birlestiktiń jastary barlyq sharada belsendilik tanytady. Osy baǵyttaǵy sharalar – elimizdegi barlyq ult ókilderiniń yrys-yntymaǵy men berik dostyǵynyń belgisi, – dedi Qoǵamdyq damý isteri basqarmasynyń jastarmen jumys bóliminiń basshysy Baqytjan Júnisbekov.
Festıvaldyń shymyldyǵyn «Bastaý» dombyrashylar dýeti túrdi. Qalanyń stýdent jastary men etnomádenı birlestikteriniń kóshbasshylary qatysqan festıval aıasynda jyldyq jumys qorytyndysy shyǵarylyp, úzdik etnomádenı birlestikter estelik syılyqtarmen marapattaldy.
Jyl saıyn uıymdastyrylatyn «Jastar jalyny», «Elorda daryny» sııaqty festıvaldar jastardyń jigerlenip, jasampazdyqqa umtylýyna birden-bir sebep. Qoǵamdyq damý isteri basqarmasynyń jastarmen jumys bóliminiń basshysy Baqytjan Júnisbekovtiń aıtýynsha, «Jastar jylynda» jaǵymdy jańalyqtar kóp bolmaq. «Kúni keshe Astana jastarynyń «Jastar jalyny» forýmy ótti. Atalǵan sharaǵa 1000-ǵa jýyq óren qatysty. Forýmnyń nátıjesinde bizge kóptegen usynystar men jobalar kelip tústi. Endi sol bastamalardy jınaqtap, kelesi «Jastar jylyna» oraı aýqymdy baǵdarlamalar men sharalar keshenin daıyndaıtyn bolamyz», dedi.
30 qazan kúni Astana jastaryn bıznes baǵytynda yntalandyrý jáne qoldaý maqsatynda «Jastar jalyny» forýmy ótti. 8-shi ret uıymdastyrylǵan sharaǵa 20 spıker jastarmen oı bólisti.
Aqmaral AǴZAMQYZY,
«Egemen Qazaqstan»
