Erte jastan sybaılas jemqorlyqty jalpy qabyldamaý jáne qarsy kózqarasty qalyptastyrý maqsatynda uıymdastyrylǵan sharaǵa 250 tálim-tárbıe alatyn jas jetkinshekter qatysty.
Qatysýshylar qatarynda sondaı-aq, Aqtóbe oblysyna is saparmen kelgen Memlekettik qyzmet isteri jáne sybaılas jemqorlyqqa qarsy is-qımyl Agenttiginiń ókili Arman Berdalın jáne qoǵam qaıratkeri, respýblıkalyq arnaıy monıtorıngtik top múshesi Aldan Menkeev te boldy.
2 bólikten turatyn sharada balalar óz ónerlerin kórsetip, sybaılas jemqorlyqqa qarsy taqyrypta teatrlandyrylǵan qoıylymdarǵa qatysyp, óleń oqyp, patrıottyq ánder oryndady.
«Qoǵamnyń qatysýynsyz sybaılas jemqorlyqqa qarsy turý múmkin emes. Osy úrdiske jas urpaqty tartý, bolashaq mamandardyń sybaılas jemqorlyqqa qarsy kózqarasyn qalyptastyrýǵa degen senimdilik beredi», - dedi Aqtóbe oblysynyń Memlekettik qyzmet isteri jáne sybaılas jemqorylyqqa qarsy is-qımyl departamenti basshysynyń orynbasary Rafhat Bısenov.
Búgingi kúni oblysta 35 myńǵa jýyq mektep oqýshylarynan quralǵan 384 «Adal urpaq» klýby jumys jasaıdy. Klýbtar erikti túrde qurylǵan.
Is-shara sybaılas jemqorlyqqa qarsy baǵyttalǵan baıqaýlardyń jeńimpazdary men belsendilerin marapattaý rásimimen aıaqtaldy.
Temir Qusaıyn,
«Egemen Qazaqstan»
