Qazaqstan ulttyq quramasynyń bas bapkeri Aıdyn Smaǵulov О́zbekstannyń astanasynda 13 shákirtin beldestirýdi jón kórdi. Solardyń arasynda álem chempıonatynyń kúmis júldegeri Erlan Serikjanov (66 kılo), Azııa oıyndarynyń jeńimpazy Dıdar Hamza (81 kılo), sol jarystyń kúmis júldegeri Islam Bozbaev, birqatar halyqaralyq jáne qurlyqtyq deńgeıdegi básekelerde jeńis tuǵyryna kóterilgen Jansaı Smaǵulov (73 kılo) pen Ázız Qalqamanuly (90 kılo) syndy sańlaqtar bar.
Sondaı-aq osy dodada Baýyrjan Jaýyntaev (60 kılo), Gumar Qyrǵyzbaev (66 kılo), Aqylbek Serik (73 kılo), Qajymukan О́teýlıev (81 kılo), Ádilhan Qozybaev pen Aıbek Serikbaev (100 kılo) jáne Erasyl Qajybaev pen Ǵalymjan Qyryqbaı (+100 kg) da óner kórsetedi.
Áıelder saıysynda segiz sportshymyz beldesedi. Basty úmitimiz – Otgonseseg Galbadrah (48 kılo). Olımpııa oıyndary men álem chempıonatynda júlde alǵan Qazaqstannyń ataqty dzıýdoshysy jýyrda ǵana Ábý-Dabıde ótken týrnırden quralaqan oralǵan bolatyn. Endi Tashkenttiń tórinde Galbadrah el senimin aqtaýǵa tıis. Sonymen qatar, Gran-prı jarysynda Saltanat Sultanbekova (48 kılo), Sevara Nyshanbaeva men Anna Kazıýlına (57 kılo), Iolanta Berdibekova (63 kılo), Aelıta Sherbakova men Ajar Salyqova (70 kılo) jáne Zarına Raıfova (78 kılo)
Ǵalym SÚLEIMEN,
«Egemen Qazaqstan»
