28237 áskerı bólimi radıasııalyq, hımııalyq jáne bıologııalyq qorǵanys qyzmetiniń bastyǵy maıor Abdýjalıl Ernazarovtyń aıtýynsha, oqý-jattyǵýǵa IIM Ulttyq ulanynyń qurylymyna kiretin azamattyq qorǵanystaǵy Baýyrjan Momyshuly atyndaǵy 28237 áskerı bóliminiń jeke quramy da tartyldy. Oqý-jattyǵý josparyna sáıkes Alataý aýdany Alǵabas shaǵyn aýdanyndaǵy TES-2 jylý-energııa stansasynyń aýmaǵyndaǵy mazýttik seh órtke oranady. Apat ornyndaǵy aýanyń lastanýy men aýmaǵynyń zaqymdalýyn tekserý jáne adamdardy qutqarý, tótenshe jaǵdaı saldaryn joıý boıynsha 28237 áskerı bólimi radıasııalyq-hımııalyq jáne bıologııalyq qorǵanys rotasynyń jeke quramy ARHR jáne ARS-14 arnaıy kólikterimen apat ornyna dereý jetti. Aýdannyń hımııalyq ahýaly men jaı-kúıin baǵalalandy. Aýanyń, topyraqtyń quramy tekserilip, nátıjesi Almaty qalasynyń Qoǵamdyq densaýlyqty saqtaý departamentiniń azamattyq qorǵanystaǵy radıasııalyq, hımııalyq jáne bıologııalyq qyzmetine saraptamaǵa jiberildi.
Oqý-jattyǵý nátıjesi ulandyq qutqarýshylardyń daıyndyǵy men kásibı biliktiliginiń joǵary deńgeıde ekendigin kórsetti. Qutqarý qyzmeti salasynan tájirıbe almasqan ulandyqtardyń is-tájirıbesine Almaty qalalyq Tótenshe jaǵdaı jónindegi departamentiniń ókilderi joǵary baǵa berdi.
Oqý-jattyǵýlarǵa ortalyq memlekettik organdardyń jedel toptary, azamattyq qorǵanys júıesindegi qyzmetter men IIM qurylymyndaǵy apattyq-qutqarý qyzmetteri men aýmaqtyq-qurylymdyq organdarynyń qyzmetkerleri qatysty.
Elvıra SERIKQYZY,
«Egemen Qazaqstan»
ALMATY
