Investısııalar jáne damý mınıstrliginiń málimetine qaraǵanda, osy jyldyń 9 aıynyń qorytyndysy boıynsha «Nurly jer» memlekettik baǵdarlamasy arqasynda 8,8 mln sharshy metr turǵyn úı paıdalanýǵa berildi, bul 2017 jyldyń sáıkes kezeńimen salystyrǵanda 11,6%-ǵa artyq.
«77 myńnan astam otbasy turǵyn úı jaǵdaıyn jaqsartty, onyń ishinde 9,5 myńǵa jýyq otbasy memlekettik qarjy esebinen salynǵan baspanaǵa qol jetkizdi», — deıdi QR ınvestısııalar jáne damý mınıstri J. Qasymbek.
Turǵyn úı qurylysyna salynǵan ınvestısııa ótken jyldyń sáıkes kezeńimen salystyrǵanda 31,5%-ǵa artyp, 818,9 mlrd teńgege jetti. Memlekettik ınvestısııanyń 1 teńgesine jeke ınvestısııalardan 8 teńge salyndy. Bıylǵy 9 aıdyń qorytyndysy boıynsha, turǵyn úıdi paıdalanýǵa berý kólemi jaǵynan Astana (1,8 mln m2), Almaty (1,3 mln m2) qalalary men Mańǵystaý oblysy (910,5 myń m2) kósh bastap tur.
«Bıyl 12,1 mln sharshy metr turǵyn úıdi iske qosýdy josparlap otyrmyz, onyń 1,3 mln m2 nemese 22 myń páteri memlekettik ınvestısııalar aıasynda júzege asyrylady», — dep atap ótti J. Qasymbek óz baıandamasynda.
Mınıstrliktiń málimetine súıensek, 2018 jyly memlekettik baǵdarlamany iske asyrýǵa respýblıkalyq bıýdjetten 148,6 mlrd teńge qarastyrylǵan. Qarjylandyrý josparyna sáıkes turǵyn úı qurylysy aýmaǵyna ınjenerlik kommýnıkasııalardy jetkizý úshin 44,6 mlrd teńge aýdarylǵan, onyń 40,8 mlrd teńgesi nemese 91,7% ıgerildi. 500 km ınjenerlik jeli salyndy.
Sonymen qatar, J. Qasymbek baǵdarlamanyń bólek baǵyttarynyń qalaı júzege asyp jatqany týraly baıandady.
Bıyl «Halyqtyń áleýmettik álsiz toptary úshin satyp alý quqyǵynsyz jalǵa beriletin turǵyn úı qurylysy» baǵyty boıynsha 3470 páter salý josparlanýda.
«Bıylǵy 1 qazandaǵy jaǵdaı boıynsha, jalǵa beriletin 1176 páter tapsyryldy. Bólingen 26,9 mlrd teńgeniń óńirlerge 21,3 mlrd teńgesi jetti. Onyń 20,1 mlrd teńgesi nemese 96,7%-y ıgerildi. Jalpy, Memleket basshysynyń Joldaýy aıasynda jalǵa beriletin turǵyn úı qurylysyn qarjylandyrýdy 50 mlrd teńgege deıin ulǵaıtýdy josparlap otyrmyz»,— dedi mınıstr.
«Nesıelik turǵyn úı qurylysy» atty ekinshi baǵytqa oblıgasııalyq qaryzdyń bir bóligi retinde 2 jyl saıyn aınalymǵa 207 mlrd teńge baǵyttalady. J. Qasymbektiń aıtýynsha, atalǵan baǵytty iske asyrý úshin Ulttyq qordan Báıterek holdıngi arqyly 2016 jyly ákimdikterge 67 mlrd teńge bólindi. 2017 jyldan bastap ákimdikterge Báıterek holdıngi men Samuryq-Qazyna qorynan bólingen qosymsha qarajattar qaıta baǵyttaldy. Bıyl mınıstrlik 141 jobany iske asyrý úshin ákimdikterge 100,9 mlrd teńge qarjy berýdi josparlap otyr. Bul qarajat 9793 páterdiń qurylysyna jumsalady. 2018 jyldyń 5-qarashasyndaǵy esep boıynsha, ákimdikter 93 mlrd teńge tartqan. 180,5 myń m2 turǵyn úı nemese 3096 páter paıdalanýǵa berildi. Jyl sońyna deıin 6697 páter halyq ıgiligine beriledi.
«Jeke turǵyn úı qurylysyn damytý» baǵyty aıasynda bıyl shamamen 40 myń jer ýchaskesi ınjenerlik kommýnıkasııamen qamtamasyz etiledi. Qazirgi ýaqytta shamamen 16,5 myń jer telimi berilgen.
«Jeke qurylys salýshylardy turǵyn úı salýǵa yntalandyrý» tórtinshi baǵytyn iske asyrý operatory — «Damý» kásipkerlikti damytý qory. Qor derekterine sáıkes, qurylys salýshylarǵa sýbsıdııalanatyn nesıelerdi berý jospary 600 myń sharshy metr turǵyn úı qurylysyna shaqqanda 152 mlrd teńgeni quraıdy. Búginde jeke qurylys salýshylar 138,5 myń sh.m. turǵyn úıdi paıdalanýǵa bergen. Jalpy, Baǵdarlama iske asyryla bastaǵannan beri bankter 67,2 mlrd teńge somasyna nesıeler somasyna 77 jobany maquldaǵan, onyń ishinde 42,9 mlrd teńgege sýbsıdııalaý boıynsha 46 kelisimshart jasalǵan.
Besinshi «Kvazımemlekettik sektor sýbektilerin tartý arqyly turǵyn úı salý» baǵyty boıynsha J. Qasymbektiń aıtýynsha, buryn bastalǵan jobalar boıynsha turǵyn úı qurylysyn aıaqtaý qarastyrylǵan. «Baıterek development» AQ 2016 j. Ulttyq qordan bólingen qarajat esebinen 95,6 mlrd teńgege kelisimshart jasaldy, 93,5 mlrd teńge nemese 97,8% ıgerildi.
«Búginde 578,4 myń sh.m. nemese 9669 páter paıdalanýǵa berilgen. “Samuryq-Qazyna” qory 2016 jyly bólingen 97 mlrd teńgeden 75,9 mlrd teńgege kommersııalyq turǵyn úı qurylysyna kelisimsharttar jasasqan. Jyl sońyna deıin “Samuryq-Qazyna” qalǵan 50,3 mlrd teńgeni qaıtarýy tıis. Bul qarajatty jergilikti atqarýshy organdar nesıege beriletin turǵyn úı qurylysyn qarjylandyrýǵa jumsaıdy», — dedi mınıstr J. Kasymbek.
Búginde Qor qurylys salýshylarǵa 68,8 mlrd teńge (96,9%) aýdardy, 162,7 myń sh.m. kommersııalyq turǵyn úı engizildi. Tapsyrylǵan turǵyn úıden basqa, 22 myń turǵyn úıdiń qurylysyn aıaqtaý josparlanǵan (onyń ishinde memlekettik ınvestısııalar aıasynda 13 133 páter bar).
«Jalpy, turǵyn úı qurylysy men qarajattyń ıgerilýi turaqty baqylaýǵa alynǵan. Turǵyn úı qurylysy belsendi damyp jatyr, bul azamattardyń turǵyn úı jaǵdaılarynyń birshama jaqsarýyna, qurylystyń ósý qarqynynyń artýyna, sonymen qatar kásipkerlik bastamalardyń damýyna septigin tıgizedi», — dep túıindedi J. Qasymbek.
«Báıterek» UBH AQ tóraǵasy A. Áriphanov «Baıterek development» AQ jelisi boıynsha 2016 j. bólingen 113 mlrd teńgeden 95,6 mlrd teńgege kelisimsharttar jasalǵanyn aıtty, a.j. 1 qazandaǵy jaǵdaı boıynsha 94,9 mlrd teńge nemese 99,2% ıgerilgen. 2018 jyly josparda 34 myń sh.m., 24,9 myń sh.m. nemese 73% salynǵan. Qosymsha 2018 jyldyń sońyna deıin 9,9 myń sh.m. turǵyn úı tapsyrylady.
О́z kezeginde Turǵynúıqurylysjınaqbanki óz salymshylary úshin suranys pen salynǵan turǵyn úıdi satýdy yntalandyrady. Jyldyq jospar — 270 mlrd teńge, turǵyndarǵa 274 mlrd teńge somasyna 30 myń jeńildikpen zaım berilgen. Qazirgi tańda Turǵynúıqurylysjınaqbanki júıesi boıynsha 568 mlrd teńge jınaqtaý somasymen 1,2 mln kelisimshart jasalǵan.
«Turǵyn úı qurylysy jınaqtaryn odan ári yntalandyrý úshin onlaın-bankıng júıesi jáne BASPANA.KZ jyljymaıtyn múlik ınternet-portaly belsene damyp jatyr. Portal platformasynda barlyq salymshylar, qurylys salýshylar men memlekettik organdar biriktirilgen. Endi qazaqstandyqtar “Nurly jer” baǵdarlamasynyń qyzmetteri boıynsha onlaın-keńes, daıyn bolǵan jáne salynyp jatqan nysandar, bir sharshy metriniń quny jáne bank ónimderi týraly aqparatty ala alady. Búginde portal arqyly turǵyndarǵa bekitilgen baǵa boıynsha 80 mlrd teńgege 11 myń páter satylǵan», — dedi A. Áriphanov.
О́ńirlerde memlekettik baǵdarlamalardyń iske asyrylý barysy týraly Mańǵystaý oblysynyń ákimi E. Toǵjanov, Atyraý oblysynyń ákimi N. Noǵaev, Almaty qalasynyń ákimi B. Báıbek pen Astana qalasynyń ákimi B. Sultanov baıandady.
