Q.Toqaev Qazaqstan men Estonııa arasynda syndarly jáne senimdi únqatysý qalyptasqanyn atap ótti. Eki el arasyndaǵy parlamentaralyq baılanys qos taraptyń qatynastaryna jańa qarqyn bere alatyny aıtyldy. Senat Tóraǵasy Estonııa Parlamentimen tyǵyz baılanys ornatýǵa múddeli ekenin jetkizip, qos taraptyń zań shyǵarý organdar delegasııalarynyń eki el aralyq saparlaryn uıymdastyrýdy usyndy.
Kezdesý barysynda Q.Toqaev Qazaqstannyń saıası ómirinde Senattyń alyp otyrǵan orny men strategııalyq maqsattardy iske asyrý jónindegi depýtattardyń jumysy týraly Iý.Ratasty habardar etti.
Taraptar saýda-ekonomıkalyq jáne gýmanıtarlyq yntymaqtastyqty tereńdetý múmkindigin talqylady. Sıfrlyq tehnologııalar men kólik-logıstıka salasy sııaqty keleshegi zor ózara is-qımyl baǵyttaryna erekshe nazar aýdaryldy. Q.Toqaevtyń aıtýynsha, Qazaqstan arqyly ótetin, Qytaı men Azııanyń basqa da elderin Eýropamen baılanystyratyn temirjol men avtokólik baǵyttarynyń múmkindikteri aýqymdy. «Ulttyq kólik ınfraqurylymyn jańartýda jáne ony Uly Jibek jolynyń Qytaı tujyrymdamasymen úılestirýde Qazaqstan aımaqtaǵy jetekshi habqa aınalyp otyr», - dedi Senat Tóraǵasy.
