Jýyrda olardyń qataryn Úndistannan kelgen 46 azamat tolyqtyrdy. Medısına joǵary mektebiniń dırektory Áset Izdenovtyń aıtýynsha Úndistan Respýblıkasynyń aýmaǵynda SQMÝ medısınalyq mamandyqtar boıynsha kadrlar ázirleıtin joǵary oqý orny retinde tirkelipti. Endi ekitaraptyq kelisimge oraı 150-ge jýyq stýdenttiń teriskeıde bilim alýyna sheshim qabyldanypty. Olardyń alǵashqy toby at basyn tirep, jaıly jataqhanalarǵa ornalastyrylypty.
«Qazir jalpy medısına mamandyǵy boıynsha 108 stýdent dáris alady. Úndistannan kelgen stýdentter Qazaqstanda bilim alǵany úshin jylyna 850 myń teńge mólsherinde qarajat tóleıdi. Bul jergilikti jastar tóleıtin aqyǵa qaraǵanda 30 prosentke kóp. Ol jaqta bolashaq dárigerlerdi daıarlaıtyn joǵarý oqý oryndary tapshy, ári oqý quny 5-10 ese qymbat kórinedi», deıdi Á. Izdenov.
«Fızıologııa, anatomııa jáne morfologııa», «Gıstologııa jáne jasýshalyq bıologııa» jańa ınnovasııalyq zerthanalary qurylady. 3D stımýlıatorlar – oqytý baǵdarlamalary, medısınalyq oqýlyqtar satyp alynady. Bul maqsattarǵa ýnıversıtet bıýdjetinen 100 mıllıon teńge bólingen. Jataqhanalarmen, bilikti ustazdardarmen qamtamasyz etilgen.
Úndistannyń Djaıpýr-Radjıstan qalasynan osynda arman qýyp kelgen Amır Khan bes jyl bilim alýǵa qýana kelisipti. Múmkindik bolyr jatsa, soltústikte qalýǵa nıetti.
Stýdentterge jergilikti ustazdar men Iordanııadan arnaıy shaqyrtylǵan oqytýshylar dáris oqıdy. Jaqyn arada Úndistan Respýblıkasynan taǵy 100 stýdent keledi dep kútilýde.
О́mir ESQALI,
«Egemen Qazaqstan»
Soltústik Qazaqstan oblysy
