Basqosýdy júrgizip otyrǵan qaýymdastyq tóraǵasy Ikram Hashımjanov Joldaýdan Elbasynyń búgingi kúnniń tamyryn dóp basatyn kóregendigin, alys bolashaqty boljaı biletin tereńdigin, memlekettiń jańa tarıhyn jasaýshy suńǵyla saıasatkerlik tulǵasynyń ereksheligin baıqaýǵa bolatynyn atap ótti. «Búgingi kúni órkenıettiń bıik shyńyna shyǵyp, álem nazaryna iligip otyrmyz. Bul jerde Memleket basshysy Nursultan Nazarbaevtyń Qazaqstan halqyna jyl saıynǵy Joldaýynyń mańyzy men atqarǵan róli erekshe. Elbasy otandastarymyzǵa alǵashqy Joldaýyn 1997 jyly jarııalapty. Esterińizde bolsa sol Joldaýynda N.Nazarbaev: «2030 jyly bizdiń urpaqtarymyz budan bylaı álemdik oqıǵalardyń qaltarysynda qalyp qoımaıtyn elde ómir súretin bolady» degendi asa nyq senimmen aıtqan bolatyn. Aıtqany aıdaı keldi», dedi I.Hashımjanov.
Atalmysh jıynda baıandama jasaǵan «О́rleý» AQ fılıaly Túrkistan oblystyq jáne Shymkent qalasy boıynsha pedagogıkalyq qyzmetkerlerdiń biliktiligin arttyrý ınstıtýtynyń aǵa oqytýshysy Mahfýza Mýsaeva Joldaýdyń mańyzy men ózektiligine toqtaldy. Baıandamashy óz sózinde, Joldaýda aıtylǵandaı, árbir qazaqstandyq júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn jete túsinýge tıis ekenine ekpin berdi. Kópshilikti ortaq maqsatta, aıqyndalǵan mindetterdi júzege asyrýǵa belsene jumys isteýge shaqyrdy. Sondaı-aq Tóle bı aýdany ózbek etnomádenı birlestiginiń tóraǵasy Ýstonalı Qodırov, OQMPÝ shetel stýdentterin beıimdeý ortalyǵynyń dırektory Shahlo Naralıeva jaryssózge shyǵyp, óz pikirlerin ortaǵa saldy. Jıyn qorytyndysy boıynsha birlestikterde túsindirý jumystaryn belsendi júrgizý syndy naqty jumystar belgilengen qaýly qabyldandy.
Ǵalymjan ELShIBAI,
«Egemen Qazaqstan»
Túrkistan oblysy
