Is-shara barysynda «Zhas project» jastar korpýsyn damytý jobasy arqyly grant ıelengen jastar jobalarynyń iske asyrylý barysy tanystyryldy. Sonymen qatar, «Urpaqtar sabaqtastyǵy jáne jastar» taqyrybynda dóńgelek ústel otyrysy, jergilikti jerde volonterlik qyzmetti damytý boıynsha semınar-trenıng ótkizilip, oblysta Jastar jylyn ótkizýge arnalǵan is-sharalar jospary talqylandy.
Forýmnyń saltanatty rásimine aýdan ákimi Dýlat Zaısanbekuly Qajanov qatysyp, aýdannyń belsendi jastaryn marapattady. «Aýyldyń bolashaǵy – jastar. Bizdiń Kúrshim aýdanynyń kóptegen aýyldaryna ózderińizdeı jas mamandar qajet. Sizderdi aýyldyq jerde qyzmet etýge shaqyramyz», - dedi óziniń quttyqtaý sózinde D.Qajanov.
Shara sońyńda aýdan jastary áleýmettik jelilerde «Challenge Men qazaqsha sóileimin» ınternet-estafetasyn bastap, О́skemen qalasynyń jastaryna joldady. Negizgi shart - elimizge belgili aqyndardyń óleńin jatqa oqyp, vıdeosyn áleýmettik jelilerge ornalastyrý. Bul aksııa jyl sońyna deıin jalǵasyp, oblystyń barlyq qalalary men aýdandaryndaǵy jastardy qamtıtyn bolady.
Azamat QASYM,
«Egemen Qazaqstan»
Shyǵys Qazaqstan oblysy,
Kúrshim aýdany
