О́ńir basshysy jańa bas dırektordyń aldyna munaı men gaz óndirý kóleminiń tómendeýine jol bermeý, ınvestısııa tartý, taýar, jumys pen qyzmetterdi satyp alýdyń jergilikti mazmundaǵy úlesin ulǵaıtý, qatardaǵy jumysshylardyń eńbekaqysyn ósirý, qazaqstandyq mamandardy oqytý, kelisimsharttyq mindetterdi tolyq oryndaý boıynsha birqatar mindetter qoıdy.
Sondaı-aq, oblys ákimi bıznestiń áleýmettik jaýapkershiligi aıasynda belsendi yntymaqtastyqty jalǵastyrý qajettigin atap ótti.
- Kompanııanyń burynǵy bas dırektory Van Szıýnjen basshylyq etken jyldary ishinde bıznestiń áleýmettik jaýapkershiligi boıynsha úlken jumystar atqaryldy. Demeýshilik kómekke 12,7 mıllıard teńgeden asa qarajat aýdaryldy. Tek oblys aýmaǵynda ǵana emes, odan tysqary jerlerde de áleýmettik mańyzy bar nysandar salyndy. Aqtóbede quny 1,5 mlrd teńge turatyn О́ner ortalyǵy salyndy, sonymen qatar, kompanııa IT-ortalyqtyń qurylysyn qarjylandyryp otyr, Astanadaǵy «Álem qabyrǵasy» monýmenti men Qazaq ulttyq horeografııa akademııasynyń qurylysyn úleskerlik qarjylandyrýǵa qatysty. Kompanııa áleýmettik-baǵdarlyq qyzmetin ári qaraı keńitedi dep kútip otyrmyz, -dep atap ótti Berdibek Saparbaev.
Qosa keteıik, «SNPS-Aqtóbemunaıgaz» AQ-da Aqtóbe oblysynyń aýmaǵynda óndirilgen 67%-ǵa jýyq munaı men 88% gaz bar. Kompanııanyń Qazaqstannyń munaı naryǵyndaǵy úlesi 7,7% quraıdy, aksıonerlik qoǵam kómirsýtekti shıkizat óndirý kólemi jaǵynan Qazaqstannyń jetekshi munaı-gaz operatorlarynyń bestiginde.
