«Qasıetti qazaq eli» atty óner festıvaline elimizdiń túkpir-túkpirinen kelgen qandastarymyzben qosa, Germanııa, Fransııa, Qytaı, Reseı, Mońǵolııa, Túrkııa qatarly alys-jaqyn shetelderden 50-den astam ónerpaz qatysty.
Festıval aıasynda «múshaıra», «terme» jáne «qolóner sheberligi» syndy úsh atalym boıynsha báıge uıymdastyryldy.
Igi sharanyń ashylýynda sóz sóılep, bul óner festıvaliniń maqsaty – ár eldegi ónerli, bilimdi qazaq jastarynyń basyn qosyp, shyǵarmashylyq jáne bilimin arttyrýyna jol ashý, olarǵa qatysty mańyzdy máselelerdi talqylaý ekendigin alǵa tartqan Dúnıejúzi qazaqtary qaýymdastyǵy Tóraǵasynyń birinshi orynbasary Zaýytbek Turysbekov: «О́tken jyly Astanada ótken Dúnıejúzi qazaqtarynyń V quryltaıynda Elbasy álemniń ár túkpirinde júrgen qandastarǵa qol ushyn berý maqsatynda «Otandastar qory» degen qor qurý kerektigin aıtqan bolatyn. Qazirgi tańda ol qor da qurylyp, onyń basyna elimizge belgili, bedeldi azamat Nurtaı Ábiqaev aǵamyz kelgenin bilesizder. Mine, búgingi sharaǵa da sol qor atsalysyp jatyr. Sonymen birge Elbasy baǵdarlama jasaýdy tapsyrǵan, ol baǵdarlama da jasalyp, bekidi. Bul festıvaldiń ótip jatqany da sol baǵdarlamanyń arqasy. Keshe dóńgelek ústel ótkizdik. Jan-jaqtan kelgen qandastardyń usynystaryn tyńdadyq. Onyń bárin hatqa túsirip, iriktep aldaǵy ýaqytta iske asyrýǵa kúsh salamyz», - dedi. Sondaı-aq Zaýytbek Qaýysbekuly sharany uıymdastyrýǵa atsalysqan Qoǵamdyq damý mınstrligine rızashylyǵyn bildire kele, alys-jýyqtan at arytyp jetken barsha qonaqtarǵa alǵys aıtyp, óner báıgesine qatysýshylarǵa sáttilik tiledi.
Halyqaralyq Alash ádebı syılyǵynyń ıegeri, aqyn Qazybek Isa bastaǵan qazylar alqasy ár elden kelgen ónerpazdar shyǵarmashylyǵyna baǵa berip, júldeli júırikterdi anyqtady.
«Qolóner sheberligi» atalymy boıynsha III orynǵa Reseıden kelgen Artyqbaı Smaǵulov ıe bolsa, II oryndy Túrkııadan kelgen Nargız Tineı aldy. Al I orynǵa Mońǵolııadan kelgen órimshi Habyl Qaıyp laıyq dep tanylypty.
«Terme» atalymy boıynsha III oryndy Arman Qalelbekuly (QHR), II oryndy Janǵar Mámbetnazarov (О́zbekstan), I oryndy Nurjigit Esxat (QHR) ıelendi.
«Músháıra» atalymy boıynsha III oryndy Alash Tursynáliuly (QHR) II oryndy Narqulan Raıxanuly (Mońǵolııa), I oryndy Shynarbek Jomartuly (Mońǵolııa) enshiledi. Sondaı-aq, úsh atalym boıynsha bir Bas júlde taǵaıyndalyp, ony Qytaıdan kelip, «Músháıra» atalymy boıynsha báıgege qatysqan Jumataı Kóksýbaı ıelenip, 400 000 teńge kólemindegi qarjylaı syılyqty qanjyǵalady.
Barlyq atalym boıynsha Úshinshi oryn ıegerine 100 000 teńge, ekinshi oryn ıegerine 150 000 teńge, birinshi oryn ıesine 250 000 teńge júlde tabystaldy. Sonymen birge 11 arnaıy júlde berilip, ár qaısysyna 50 000 teńgeden úlestirdi.
Festıvaldiń jabylý rásimine «Otandastar qory» AQ prezıdenti Nurtaı Ábiqaev, Qoǵamdyq damý mınstri Darhan Kaletaev qatysyp, júırikterge júlde tabystady. Festıval sońy óner juldyzdarynyń qatysýymen gala-konsertke ulasyp, jan-jaqtan jınalǵan aǵaıynnyń júregin terbep, kóńilin shalqytty. Buıyrsa, bul shara keler jyly da jalǵasyn tappaq.
Ularbek NURǴALYMULY,
«Egemen Qazaqstan»
Sýretti túsirgen,
Orynbaı BALMURAT
«Egemen Qazaqstan»
