О́ńiraralyq yntymaqtastyq forýmy

Byltyr О́ńiraralyq ynty­maq­tas­tyq forýmy eki memleket basshylary­nyń qatysýymen shekaralas aımaq­taǵy Chelıabi qalasynda ótip, kelesi jıyn o­r­ta­lyǵy Petropavl qalasy bolyp belgi­lengen edi. Onyń ózindik máni bar. Solt­ústik Qazaq­stan – týrızm áleýeti óte zor óńirlerdiń biri. Tarıhı eskert­kishterge, kıe­li oryndarǵa, tabıǵaty tamyl­jyǵan kórikti jerlerge baı. 

Sońǵy jyldary ishki, syrt­qy týrızm jandanyp, shetel­dikterdiń de nazaryn aýdara bastady. Bul baǵyt­taǵy atqa­ryl­ǵan keshendi sharalar­dyń nátı­jesinde týrıstik klasterdiń tartym­dylyǵyn arttyrýǵa, ınvestısııalar tartýǵa úlken múmkindikter berildi. Oblys ákiminiń orynbasary Dáýren Jan­­dar­bek BAQ ókilderimen ótken brıfıngte alqaly bas­qosýǵa ázirlik barysy jaıly baıandap berdi. 

Onyń aıtýynsha, forým memleketter arasyndaǵy ekijaqty iskerlik baı­lanys­tardyń tyń joldaryn izdes­tirý­ge serpin beredi. Halyqaralyq sharanyń shymyldyǵy jańadan boı kótergen Tennıs ortalyǵynda ashylady. Onda ornalasatyn týrıstik kórme áse­rli gollografııalyq shoý túrin­de uıym­dastyrylyp, qos el tara­pynan eksponattar, sondaı-aq týrıs­tik ónim­dermen qatar ekologııalyq, sport­tyq, emdik-saýyq­tyrý, taǵy basqa týrızm qyzmetteri usynylady. Eli­mizdegi týrıstik áleýeti joǵary, tabıǵaty shuraıly óńirler men nysandar tanys­tyrylady. Olardyń qatarynda respýb­lıkalyq mańyzǵa ıe Iman­taý-Shalqar kýrorttyq aı­maǵy, Qarasaı men Aǵyn­taı batyr­lardyń memorıaldyq kesheni, Botaı qonysy bar.

Halyqaralyq «Makkenzı» kompanııasy Imantaý-Shal­qar kýrorttyq mekenin jań­ǵyrtýdyń keshendi josparyn ázirlep qoıypty. «V2V» formatynda qos taraptyq kezdesýler, úzdik ınvest-jobalardyń tanystyrylymy, gýbernatorlar men ákimderdiń qatysýymen aýqymdy plenarlyq otyrystar ótedi. 

Ekinshi kúni forým sheń­be­rin­­­degi iskerlik kezdesý­ler Oqý­­shylar saraıynda jal­­­­­ǵa­­­sa­­dy. Qazaqstan Res­pýb­­­lı­­ka­synyń Prezıdenti N.Nazarbaev pen Reseı Fede­ra­sııa­synyń Pre­zı­denti V.Pý­tındi ǵımarat­tyń bas ala­ńynda 17 tilde sóı­leıtin «Thespian» esimdi drama­lyq akter-robot qarsy alady. Ol eki tilde sálemdesip, shara­nyń mańyz­dylyǵyn tú­sin­diredi. Úlken zalǵa úlken beı­ne­qabyrǵa men eki LED-ekran qoıylady. IT-kabınetteri zamanaýı tehnıkalarmen jabdyqtalǵan. Memleket basshylarynyń qatysýymen týrızmdi damytýdyń ishki-syrtqy múmkin­dikteri, aldaǵy baǵyttary talqylanyp, birqatar mańyzdy sheshim qabyldanady. Mınıstrlikter, vedomstvolar, týrıstik kompanııalar tájirı­belerimen almasyp, áriptestikti odan ári damytýǵa arnalǵan memo­randýmdarǵa qol qoıady. 

Dáýren Jandarbekuly shahar bir myńǵa jýyq forým meımandaryn qazaq­­stan­dyqtarǵa tán qonaqjaı­ly­lyq­pen qarsy alýǵa saqadaı-saı ekenin jetkizdi. Kósheler abattandyrylyp, «Jas órken» shaǵyn aýdany, biregeı mádenı, sport ǵımarattary boı kóterdi. Olardyń ishinde ámbe­bap tennıs korty men IT-orta­lyq qonystanǵan Oqýshylar saraıy eń aıtýlysy sanalady. Sońǵysyn tolyqqandy jab­dyqtaý úshin 2 mıllıard teńge qarajat jumsaldy. Jıyrmaǵa jýyq meıramhana men qonaqúı aǵymdyq jáne kúrdeli jón­deý­den ótti. Tasjoldardy qalpyna kel­tirýge 4 mıllıard teńge jum­saldy. Eki demalys kesheni salyndy. Teatrlarmen, mýzeılerde mádenı baǵdarlamalar tamashalanady.

«Aldaǵy sharanyń negizgi maqsaty – týrıstik saladaǵy ózara is-qımyldy keńeıtý, onyń ishinde isker toptar men mem­­lekettik qurylymdar ar­asyn­daǵy kooperasııalyq baı­la­nys­tardy tereńdetý arqy­ly týrızmniń túrlerin órken­detý, týrıstik ındýstrııaǵa ınves­tısııalardyń quıylýyn yntalandyrý», dedi D.Jandarbek sóziniń sońynda.

О́mir ESQALI,

«Egemen Qazaqstan»

Soltústik Qazaqstan oblysy