Kezdesý barysynda sóz bostandyǵynyń jáne pikir bildirý qaǵıdattaryn qorǵaý men ilgeriletýine, Qazaqstandaǵy BAQ ınstıtýtynyń damýyna yqpal etýge baılanysty, onyń ishinde zańnamalyq negizinde, ózekti máseleler talqylandy.
Taraptar Qazaqstan men Uıymnyń ózara is-qımylynyń dınamıkasyn joǵary baǵalap, bizdiń elimizdiń rólin, ásirese 2010 jyly tóraǵalyq etken kezindegi 21 ǵasyrdaǵy jalǵyz Sammıttiń ótýi jáne tarıhı Astana deklarasııasyn qabyldanǵanyn atap ótti. Iri elder arasyndaǵy ózara túsinýshilikti tabýǵa baǵyttalǵan óziniń bitimgerlik bastamalarymen Prezıdent Nursultan Nazarbaevtyń bedeli tanymal atap ótildi.
Q.Ábdirahmanov EQYU-nyń BAQ bostandyǵy máseleleri jónindegi ókiliniń qyzmetin, onyń ishinde EQYU-nyń BAQ bostandyǵy jónindegi ókiliniń ofısimen tıisti memlekettik organdary arasyndaǵy tıimdi yntymaqtastyqty quptady.
A. Dezır Qazaqstan tarapyna BAQ bostandyǵy jónindegi ókili ofısiniń jumysyna oń baǵa bergeni úshin alǵysyn bildere otyryp, Qazaqstannyń EQYU qyzmetindegi syndarly rólin atap ótti.
EQYU-nyń joǵary dárejeli ókili EQYU-nyń 20-shy mereıtoılyq Ortalyq Azııa medıa konferensııasynyń «Jýrnalıstıkanyń bolashaǵy» taqyrybyna arnalǵan jumysyna qatysýy úshin eki kúndik saparmen Astanaǵa keldi.
Ortalyq Azııa medıa konferensııasynyń kún tártibine sıfrlyq transformasııa dáýirindegi aqparattyń sapasy men jýrnalıstıkanyń bolashaǵy, «jalǵan jańalyqtar men jalǵan aqparat», sondaı-aq jelide pikir bildirý bostandyǵy boıynsha máseleler kiredi.
Konferensııaǵa 100-ge jýyq jergilikti jáne sheteldik jýrnalıster, azamattyq qoǵam uıymdarynyń ókilderi men akademııalyq toptar, aımaqtaǵy buqaralyq aqparat quraldarynyń erkindigi máselelerin talqylaıtyn halyqaralyq sarapshylar qatysýda.
EQYU-nyń medıa konferensııasynyń sheńberinde A. Dezır Aqparat jáne kommýnıkasııa mınıstri Dáýren Abaevpen de kezdesti.
