Aıtýly sharada Qazaqstannyń Grekııadaǵy Elshisi Tımýr Sultanǵojın Mádenıet jáne sport mınıstrliginiń qoldaýymen «Áziret Sultan» memlekettik tarıhı-mádenı qoryq-mýzeıiniń Qoja Ahmet Iаsaýıdiń muralary jáne Túrkistan óńirindegi kıeli-tarıhı jerleri jaıly kórmesiniń lentasyn qıdy.
Týrıstik áleýeti damyǵan alpaýyt elderdiń kóshbasshy týrıstik ortalyqtary qatysatyn sharanyń basty maqsattarynyń biri-qazaqstandyq týrıstik nysandar men tarıhı oryndardyń mańyzyn tanystyrý, tájirıbe almasýǵa baǵyttalǵan.
Kórmege qoryq- mýzeı qorynan 1871-1872 jyldary túsirilgen A.Kýnnyń fotoalbomynan týyndylar jáne keseneniń ár jyldardaǵy beıneleri men Túrkistannyń kórinisteri, taıqazan, shyraǵdan sýretteri, Qoja Ahmet Iаsaýı men taıqazannyń maketteri kópshilik nazaryna usynylady. Sondaı-aq Iаsaýı kesenesi men Qylýet jerasty meshiti, Shyǵys monshasy, Gaýhar ana, Ýkasha ata kesenesi men qudyǵy, Saýran qalashyǵy syndy tarıhı oryndardyń 3D týr nusqasy Elbasymyzdyń sıfrlandyrý júıesi negizinde daıyndalyp, halyqaralyq kórmede alǵash ret kórsetilip, kózildirik arqyly tanystyryldy.
Sonymen qatar qoryq-mýzeıdiń tarıhı oryndary men mýzeı haqynda úsh tilde jaryq kórgen býklet kitapshalary men jádigerlerdiń katalog kitaptary kórme ekspozısııasynan oryn aldy.
Sharaǵa qatysýshy qazaqstandyq delegattar ulttyq kıimder kıinip, qazaqtyń tól óneri kúı, dástúrli ánderdi oryndap, ulttyq taǵamdar men «Asyq atý», «Arqan tartý» syndy oıyndardy da nasıhattaýda.
Aıta ketsek, buǵan deıin «Áziret Sultan» memlekettik tarıhı-mádenı qoryq-mýzeıi TÚRKSOI halyqaralyq uıymynyń qoldaýymen Túrkııa Respýblıkasynda da kórme uıymdastyryp, birqatar iri qalalaryna Iаsaýı muralaryn nasıhattaǵan bolatyn. Eýropalyq mádenıettiń damýyna úlken áser ete otyryp týrızm salasy damyǵan, ásem landshafty araldarǵa baı Gresııa jerine AQSh, Ulybrıtanııa, Germanııa jáne Fransııa azamattary kóptep aǵylyp, qyzyqty ári tarıhı oryndarymen tanysýǵa beıim. Osy oraıda, Elbasy Nursultan Ábishuly Nazarbaevtyń «Bolashaqqa baǵdar:rýhanı jańǵyrý» baǵdarlamalyq maqalasyn keńinen nasıhattaý jáne «Áziret Sultan» memlekettik tarıhı-mádenı qoryq-mýzeıiniń 40 jyldyǵy, Túrkistan qalasynyń oblys ortalyǵy atanýyna baılanysty qoryq-mýzeı basshysy Ahmetjanov Nurbolat Qadyruly bastaǵan delegattar Gresııaǵa jasalǵan sapar barysynda birqatar týrıstik kelissózder júrgizip, mádenı-tarıhı muralardy dáripteıdi.
