Keńeske oblys ákimi E. Qoshanov, ınvestısııalar jáne damý mınıstri J. Qasymbek, eńbek jáne halyqty áleýmettik qorǵaý mınıstri M. Ábilqasymova qatysyp, sóz sóıledi. Sonymen qatar 100-den asa otandyq kásiporyndardyń, kásipodaqtar federasııasynyń, «Atameken» UKP basshylary, Qaraǵandy, Shyǵys Qazaqstan, Pavlodar, Qostanaı, Aqmola, Soltústik Qazaqstan oblystarynyń jáne Astana qalasy boıynsha áleýmettik áriptestikke jetekshilik etetin oblys ákimderiniń orynbasarlary qatysty.
Keńeste ónerkásiptik keshendegi qazaqstandyq kompanııalardyń áleýmettik-eńbek saıasatyna jańa tásilderdi ázirleýdiń ózektiligi atap ótildi.
«О́nerkásip sektorynda eńbek ónimdiliginiń ósýi jumys kúshiniń ál-aýqaty men biliktiligin aıqyndaıtyn faktorlarǵa baılanysty», — degen A. Mamın «bul eń aldymen, jumyskerlerdiń áleýmettik sezimderi, adam kapıtalynyń jınaqtalýy — bıyl Memleket basshysy Joldaýynda atap ótken negizgi elementter», dep naqtylady.
Memleket basshysynyń Qazaqstan halqyna Joldaýynyń aıasynda 2019 jyldyń qańtarynan bastap eń tómengi jalaqy kólemi 1,5 esege kóteriledi. ERG, «Qazmyrysh» JShS, Qazmıneralz, «Arselor Mıttal Temirtaý» AQ tárizdi jáne basqa da kompanııalar óz jumyskerleriniń jalaqysyn kóterýge nıetti.
QR Birinshi Vıse-Premeri atap ótkendeı, Úkimet eńbek daýlarynyń aldyn alý sapasyn kóterý boıynsha sharalar qabyldap jatyr. Jumysker, jumys berýshi men memleket arasyndaǵy dıalog sapasyn jáne qoljetimdiligin arttyrý boıynsha is-sharalar qabyldanýda.
«Jumyskerlerdiń eńbek aqysyn ýaqytynda alý quqyǵyn qorǵaý kúshıetiletin bolady. Jumys oryndarynda eńbek qaýipsizdigin arttyrý boıynsha sharaldar qabyldandy», — dedi A. Mamın.
Keńeste sóz sóılegen iri TKM kompanııalarynyń basshylary «áleýmettik jaýapkershilikti bızneste tabysqa qol jetkizýdiń basty tásili, barlyq basymdyqtardyń negizi dep sanaıtyndaryn» atap ótti.
«Bizdiń kásiporyndarymyzdyń áleýmettik baǵyttylyǵy san qyrly, ol adamdardyń ómir sapasyn jaqsartýǵa baǵyttalǵan», — dedi «Qazmyrysh» JShS turaqty damý jónindegi basqarýshy dırektory Andreı Lazarev.
О́ńirlerde qala túzýshi kásiporyndar sport nysandaryn, balabaqshalar salý, medısınalyq mekemelerge kúrdeli jóndeý júrgizý, olardy zamanaýı dáldigi joǵary jabdyqtarmen jaraqtaý tárizdi áleýmettik jobalardy iske asyryp jatyr. Balalar úılerine, kópbalaly otbasylarǵa, qart kisilerge jáne múmkindigi shekteýli adamdarǵa qoldaý kórsetiledi. Al jańa tehnologııalardyń qaryshtap damýy jáne ómirdiń barlyq salalaryn sıfrlandyrý eńbek naryǵy jáne jumyspen qamtý qurylymyna tikeleı yqpalyn tıgizedi. Osyǵan baılanysty eńbek resýrstaryn jańa ekonomıka qajettilikterine beıimdeý tetikteri engiziletin bolady. Eńbek resýrstarynyń aǵymyn basqarý boıynsha sharalar ázirlenip jatyr.
A. Mamın atap ótkendeı, bul maqsattarǵa qol jetkizý úshin «Úkimet Respýblıkalyq kásipodaqtar birlestigimen jáne Ulttyq kásipkerler palatasymen birlesip 2018–2020 jj. arnalǵan áleýmettik áriptestik jónindegi Bas kelisimdi ázirledi».
Qazirgi kezde jergilikti atqarýshy organdar kásiporyndarmen kompanııalar jumyskerleriniń aǵymyn basqarý boıynsha 700-ge jýyq Jol kartasyn jasady. Qysqartylatyn jumyskerlerdi qaıta daıarlaý jáne olardyń odan ári jumysqa ornalasýyna qoldaý kórsetý úshin birlesip ınvestısııalar salý qarastyrylýda.
Keńes barysynda oǵan qatysýshylar eńbek qatynastaryn retteý sharalaryna, korporatıvtik áleýmettik jaýapkershilikti damytý máselelerine, kásipodaqtardyń jumys berýshilermen ujymdyq-kelisimshart qatynastaryna qatysýyna basa kóńil aýdardy. Sonymen qatar taý-ken metallýrgııasy salasyndaǵy salalyq komıssııanyń jumysy, ERG, «Qazaqmys» JShS, «QTJ» UK» AQ, «Qazmyrysh» JShS áleýmettik jaýapkershilik tájirıbesi, «Arselor Mıttal Temirtaý» AQ áleýmettik turaqtylyqty qamtamasyz etý boıynsha qabyldanyp jatqan sharalar qaraldy.
