Bilim Group baspasóz qyzmetiniń habarlaýynsha, Freedom Holding Corp. OpenAI kompanııasymen jasalǵan kelisimshart aıasynda elimizdegi pedagogterge ChatGPT Edu-diń bir jylǵa arnalǵan 165 myń lısenzııasyn satyp alǵan. Osy arqyly joba bilim salasyna jasandy ıntellektini engizý boıynsha memlekettik deńgeıde qoldaý tapqan álemdegi eń iri bastamalardyń birine aınalyp otyr.
«JI negizindegi ozyq tehnologııalardyń kómegimen ár adamnyń áleýetin arttyrýda bilim salasynyń atqaratyn róli orasan. Qazaqstan men OpenAI arasyndaǵy seriktestik pedagogterge paıdaly quraldar usynyp, praktıkalyq qoldaý men oqýǵa degen qoljetimdilikti arttyrý arqyly JI mashyqtaryn meńgerýdegi alshaqtyqty qalaı eńsere alatynyn kórsetti. Mundaı qadam búkil bilim berý júıesiniń bolashaǵyna uzaqmerzimdi yqpal etýge kómektesedi», deıdi OpenAI ókili Kevın Mılls.
ChatGPT Edu lısenzııalary bilim júıesiniń barlyq deńgeıinde, atap aıtqanda, mektepke deıingi uıymdar, mektepter, kolledjder men joǵary oqý oryndarynyń, sondaı-aq ǵylymı-zertteý ınstıtýttary men Astana Hub arasynda taratylady. Joba Jasandy ıntellekt jáne sıfrlyq damý mınıstrligi, Oqý-aǵartý mınıstrligi jáne Ǵylym jáne joǵary bilim mınıstrlikteriniń qatysýymen júzege asyp otyr. Jobaǵa qatysýshylar úshin lısenzııalar tegin usynylady, al olardy iske qosý otandyq BilimClass platformasy negizinde ázirlengen ai.bilimclass.kz arnaıy servısi arqyly júrgiziledi.
Qazaqsha sóıleıtin JI: ISSAI zerthanasyndaǵy bir kún
«ChatGPT Edu – tek tehnologııalyq qural emes, Qazaqstannyń adamı kapıtalyna salynǵan ınvestısııa. Jobanyń negizgi maqsaty − pedagogterge JI múmkindikterin meńgerýge jáne ony kúndelikti jumysta tıimdi paıdalanýǵa jaǵdaı jasaý. Tehnologııa pedagogterdiń júktemesin azaıtyp, bilim sapasyn arttyrýǵa jáne kásibı deńgeıin shyńdaýǵa septigin tıgizedi. Biz ustazdarǵa eń mańyzdy iske − bilim alýshylarmen jumysqa kóbirek ýaqyt bólýge múmkindik beretin tıimdi qural usynyp otyrmyz», dep atap ótti Bilim Group IT-holdınginiń bas dırektory Aleksandr Savchenko.
ChatGPT Edu – bilim mekemeleri úshin arnaıy ázirlengen ChatGPT nusqasy. Bul júıe oqý oryndaryna jasandy ıntellektiniń ozyq múmkindikterin paıdalanýǵa jol ashady. Sonymen qatar derekterdiń qaýipsizdigi men qupııalyǵyn saqtap, jumysty tıimdi basqarýǵa múmkindik beredi.
ChatGPT Edu kómegimen pedagogter sabaq josparyn ázirlep, tapsyrmalar men test suraqtaryn daıyndaýǵa, sonymen qatar oqý materıaldaryn ár bilim alýshynyń deńgeıi men qajettiligine qaraı beıimdeýge múmkindik alady. Joba nátıjesinde pedagogterdiń sabaqqa daıyndalýǵa, tapsyrmalardy tekserýge, esep berýge jáne basqa da birizdi jumysqa ketetin ýaqyty edáýir qysqarmaq.
Smart Grid men JI-ınjenerleri: Elimizde jańa mamandyqtar paıda bolady
