Qazaq álipbıin latyn grafıkasyna kóshirýge baılanysty Mádenıet jáne sport mınıstrligi jalpyulttyq dıktant jazýǵa bastama kóterdi. Is-shara búgin, 14 qarashada respýblıka boıynsha 11.00-de, al munaıly óńirde jergilikti ýaqyt boıynsha 10.00-de ótti.
Sharanyń negizgi maqsaty - latyn grafıkasyndaǵy qazaq álipbıin is júzinde qoldanýǵa beıimdeý, sondaı-aq Qazaqstan Respýblıkasynyń til saıasatyn júzege asyrý, latyn grafıkasyndaǵy qazaq tilin meńgerý jáne til úırenýge qyzyǵýshylyqty arttyrý.
- Atyraý oblysynda jańa qazaq álipbıinde dıktant jazýda 80 myńnan astam adamdy qamtý josparlanǵan, biraq meniń oıymsha, bul kórsetkish odan da artady. Keıin mamandar jalpy statıstıka shyǵarady. Bizdiń basty mindetimiz - halyqtyń latyn grafıkasyna kóshýine qanshalyqty daıyn ekenin bilý, - dedi tilderdi damytý basqarmasynyń basshysy Asııa Qystaýbaeva.
