Elbasy kitaphanasynyń kóshpeli qory kórmesi – Aqtóbede

Saltanatty jıynda M.Qa­symbekov Elbasy kitapha­na­synyń kóshpeli qory kórmesi jobasy 2017 jyly qyrkúıek aıynda táýelsizdigimizdiń altyn besigi Almatydan bas­taý alǵanyn atap ótti. Joba óz qyz­metin bıylǵy aqpan aıynda Túrkistan oblysynda jalǵastyrdy. Al ótken qyr­kúıek aıynda bastalǵan kóshpeli qor kórmesi Atyraý obly­synda úlken tabyspen ótki­zildi. Tutastaı alǵanda az ýaqyt­tyń ishinde kórmeni 350 myńnan astam adam tamashalaǵan eken.

Endi mine, kóshpeli qor kór­mesimen tanysý múmkindiginiń kezegi aqtóbelikter men órkendi óńir qonaqtaryna kelip otyr. 

Kórmeniń basty maqsaty – kitaphana jınaqtary negizinde Tuńǵysh Prezıdenttiń táýelsiz Qazaqstannyń qalyptasýyndaǵy tarıhı rólin jan-jaqty zerde­lep kórsetý. Kórermenniń n­aza­ry­na usynylǵan Elbasy kitapha­nasynyń arhıv, kitaphana jáne mýzeı qorynyń materıaldary kóshpeli qor kórmesin odan ári baıyta túskeni aıqyn kórinedi. 

Al tuńǵysh Prezıdenttiń qyz­meti men ómirine qatysty keı­bir kádesyılar men jádi­ger­ler, eksponattar, joǵary memlekettik nagradalar, memleketter basshylary tartý etken kitaptar, N.Nazarbaevtyń shetel tilderine aýdarylǵan eńbekteri Aqtóbe jurtshylyǵyna alǵash ret usynylyp otyr. Sondaı-aq joba aıasynda halyqaralyq ǵylymı-tájirıbelik konferensııalar men semınar-trenıngi­ler, dóńgelek ústelder jáne «Ashyq keńistik» formatyndaǵy ınteraktıvti suhbattar uıym­das­tyryldy. Kórme boıynsha sholý jáne taqyryptyq ekskýrsııalar, Elbasy  kitaphanasynyń qyzmeti tájirıbesinde «Jádi­gerler sóıleıdi» toptamasynan kóshpeli dárister men mýzeı sabaqtary ótkizildi. Is-sharalar  kórmege kelýshilerdiń úlken qyzyǵýshylyǵyn týǵyzdy. 

Kórme «Elbasy joly», «El­­basy fenomeni», «Álem tany­ǵan Elbasy» jáne «Elbasy már­tebesi – el mártebesi» atty tórt bólim­nen turady. «N.Nazar­baev: Dáýir, Tulǵa, Qoǵam» joba­synyń Aqtó­bege kelýi óńir ómirindegi eleýli oqıǵa bolǵany anyq. Kóshpeli qor kórmesi men oblystyq tarı­hı-ólketaný murajaıynyń ashylý rásimi kezinde Aqtóbe ob­lysynyń ákimi Berdibek Sapar­baev sóz tıegin osy arnadan sabaqtady.

Mýzeı qurylysynyń basta­lýyna ótken jyly Rýha­nı jań­ǵyrý aıasynda qolǵa alyn­ǵan «Týǵan jer» baǵdarlamasy qoz­ǵaý saldy. Jobanyń jalpy qu­ny 650 mıllıon teńge bolsa, onyń úshten birin osy óńirdiń tý­masy – kásipker Islambek Sal­janov bólgen. Irgetasy osydan 80 jyl buryn qalanǵan eski mu­rajaı ǵımaratynyń tozyǵy ábden jetip, apattyq jaǵdaıda turǵan edi. Mundaǵy qundy jádi­gerler men ekspozısııalardy oryn jetispeýine baılanys­ty shań basyp qalǵany da jasyryn emes. Murajaı qorynda 110 myńdaı jádiger bar.

Joba aıasynda Mahmud Qa­symbekov Q.Jubanov atyn­daǵy Aqtóbe óńirlik memle­kettik ýnı­ver­sıtetiniń stýdent­terimen jáne professorlyq-oqy­tý­shy­­­lyq qu­rammen kezdesip, El­­ba­sy kitap­hanasy atynan ki­tap­­tar toptamasyn syıǵa tart­ty. Sonymen birge Elbasy kitap­­tary men jınaqtarynyń qun­dy­lyǵy men ereksheligi týraly baıandap, qatysýshylardyń suraqtaryna jaýap berdi.

«N.Nazarbaev: Dáýir, Tul­ǵa, Qoǵam» kórmesi Aqtóbe aıma­ǵyn­da aldaǵy aqpan aıyna deıin jalǵasady. 

Temir QUSAIYN,

«Egemen Qazaqstan»

AQTО́BE