Ámire Qashaýbaevqa kóshe aty beriledi

Keshegi keńestik ker zamanda ti­limizdi, dilimizdi tunshyq­tyryp, bar kúsh-qaıratyn qa­zaq­ty qan qaqsatýǵa, basyp-jan­shýǵa jumsaǵan Voroshılov, Dzer­jınskıı, Ordjonıkıdze, Kalının, Kýıbyshev sekildi qyzyl kósemder birtindep О́skemen kóshelerindegi «jyly oryndaryn» bosata bastady. Osydan biraz ýaqyt buryn oblys ortalyǵyndaǵy úlken kóshelerdiń biri Voroshılov bıyl 160 jyldyǵy atalyp ótip jatqan oıshyl Shákárimge beriletinin gazetimizde súıinshilep jazǵanbyz. Respýblıkalyq onomastıkalyq komıssııa oń batasyn berse, ol kúnge de jetermiz. Aıtaıyn de­genimiz basqa. 12 qarasha kúni О́s­ke­men qalalyq ákimdiginde qo­ǵamdyq tyńdaý ótip, shahardaǵy 16 kósheniń (tórteýine jańa ataý berý) ataýyn ózgertý máselesi qaraldy. Eń áýeli ataý­syz 4 kóshege jańa ataý berý jaıy qaralyp, ol kóshelerge ulaǵatty ustaz Jaqııa Sháıjúnisov, kórnekti ǵalym Lev Gýmılev, Armandastar jáne Meıirim ataýlary usynyldy.

So­dan soń Oktıabr kóshesin qoǵam qaı­ratkeri, alash ardaqtysy Muhamed­jan Tynyshpaev, Krýpskaıa kó­shesin ónertanýshy Evgenıı Brý­sılovskıı, Revolıýsıonnaıa kó­shesin qazaqtyń klassık jazýshysy Qalıhan Ysqaq, Sovet­skaıa kóshelerin saıahatshy, polıak revolıýsıoneri Adolf Iаný­shkevıch pen mýzyka zertteýshisi Aleksandr Zataevıch, Dzerjınskıı kóshesin bıyl 130 jyldyǵy atalyp jatqan áıgili ánshi Ámire Qashaýbaev, Kırov kóshesin orys jazýshysy Anton Chehov, Ordjonıkıdze kóshesin táýelsiz Qazaqstannyń tuń­ǵysh Qorǵanys mınıstri Saǵadat Nur­maǵambetov, Kýıbyshev kóshesin Naryn, Ka­lının kóshesin Shyńǵystaý, Go­lovkov kóshesin Beıbitshilik, Iz­ǵut­ty Aıtyqov kóshesin Asar, Ok­tıabr aralyndaǵy ataýsyz saıabaqty Samal dep ataý jó­nindegi usynystar talqyǵa tústi. Qa­lalyq máslıhat depýtattarynyń basym kópshiligi bul usynystarǵa qoldaý bildirip, qoldaryn kóterdi. Bir-eki depýtattyń qol kótermeı, qalys qalǵanyn da baıqadyq. Qoǵamdyq tyńdaýda qaladaǵy qosarlanǵan kó­shelerge de jańa ataý usynyldy (Izǵutty Aıtyqov pen Sovetskaıa).

Jıynda 2002 jyly ataý be­rilgen Mıhaıl Golovkov kóshesi­niń atyn ózgertý máselesi de qa­ral­dy. Buǵan erekshe toqtalyp otyrǵanymyz, qoǵamdyq tyńdaýda sóz sóılegen qoǵam qaıratkeri, «Al­taı asýy» qoǵamdyq birlestiginiń teń tóraǵasy Túsiphan Túsipbekov bul kisi elimiz Táýelsizdigin ja­rııa­laǵan jyldary Shyǵys Qazaq­stannyń bir bóligin Reseıge qo­syp berý týraly usynys aıtyp, halyqtyń bereke-birligine selkeý túsirgenin, keıin Joǵarǵy Keńes depýtaty bolǵanda qazaq tiline memlekettik til mártebesin berýge qarsylyq tanytqanyn jetkizip: «Eldiń arasyna iritki salǵan adamnyń atyndaǵy kóshege Beıbitshilik ataýynyń berilýin ádildiktiń ornaýy dep túsiný kerek», – dedi.

Qalalyq máslıhat depýtaty, «Nur Otan» partııasy О́skemen qalalyq fılıaly tóraǵasynyń oryn­basary Maıra Ekibasova júr­gizgen jıynda Álibek Qańtarbaev, Túsiphan Túsipbekov, Serik Qusan­baev, Borıs Sherbakov, Saı­laý­han Aýhadıev, Gúlbarshyn Abyl­ǵazına bastaǵan, Ádil Qarataı, Murathan Kenjehanuly qostaǵan óskemen­dik zııa­ly qaýym ókilderi, aqsa­qaldar, jastar óz pikirlerin aıtyp, belsendilik tanytty. Endi bul usynystar respýblıkalyq onomastıkalyq komıssııanyń qaraýyna jiberiledi. 

Azamat QASYM,

«Egemen Qazaqstan»

О́SKEMEN