Astana sessııasy. UQShU-nyń beıbitshiliksúıgish bedelin nyǵaıtty

Qysqasha aıtqanda, ótken ses­sııanyń kelesi nátıjelerin atap ótkim keledi.

Birinshiden, Uıymnyń basty qujattary – Ujymdyq qaýip­siz­dik týraly shartqa, UQShU Jar­ǵysyna, Prosedýra erejeleri men jarǵylyq organdardyń ere­je­­lerine, sondaı-aq Uıymy­myz­dyń mártebesi týraly kelisimge UQShU-nyń birneshe baǵyt­taǵy qyzmetin jańartqan ózgertý­ler engizildi.

Ekinshiden, halyqaralyq ynty­maqtastyqtyń is-júzindegi qural­dary iske qosyldy. Ol − halyq­aralyq yntymaqtastyqty odan ári damytýǵa úles qosýǵa jáne UQShU-nyń ashyq jáne beıbit­shiliksúıgish uıym retindegi ımıd­jin nyǵaıtýǵa múmkindik beretin UQShU-nyń baıqaýshy já­ne seriktes mártebesi.

Úshinshiden, UQShU daǵdarys­qa qarsy áreket etý ortalyǵy sııaqty ujymdyq júıeniń basty elementi iske qosyldy.

Tórtinshiden, áskerı ynty­maqtastyqty damytý sheńberinde basqarý organdaryn birlesip daıarlaýǵa jáne UQShU ujymdyq qaýipsizdik júıesiniń kúshteri men quraldaryn qalyptastyrýǵa, áskerı jáne bitimgerlik kontın­gent­terdi, arnaıy kúshter men qu­ral­dardy ornalastyrýǵa, áskerı jos­parlaýǵa qatysty bes qujat qa­byldandy.

Besinshiden, halyqaralyq terrorızmge qarsy turýǵa baǵyttalǵan jumystyń sheńberinde BUU alańynda Qazaqstan bastamasymen Terrorızmnen azat álemge qol jetkizý tártibiniń kodeksi qabyldanyp, iske asyrylýda. Onyń basty maqsaty – BUU-nyń júz jyldyǵyna oraı 2045 jylǵa deıin álemdi terrorıstik qaýip-qaterden tolyǵymen bosatý. 

Jalpy alǵanda, memleket bas­shylary Sammıttiń kún tártibin­degi barlyq 20 jobalyq qujatty qarap, qol qoıdy. Ujymdyq qaýipsizdik keńesiniń Qorytyndy deklarasııasy UQShU UQJ ses­sııa­synyń negizgi saıası qujaty boldy. Onda UQShU-ǵa múshe mem­leketterdiń Uıym qyzmetiniń basym baǵyttaryn, sonyń ishin­de Qazaqstannyń UQShU-ǵa tóraǵalyq etý kezeńinde belgilegen baǵyt­taryn iske asyrýdy jalǵas­tyrýǵa degen jalpy kóńil kúıi kórsetilgen. Sırııadaǵy ahýaldy turaqtandyrý úderisindegi Reseı men Qazaqstannyń sheshýshi róli ataldy.

Deklarasııa halyqaralyq quqyqtyń jalpyǵa ortaq qabyl­dan­ǵan normalary men qaǵı­dat­taryn jáne Qazaqstan basta­mashylyq etken Terrorızmnen azat álemge qol jetkizý tártibiniń kodeksin saqtaýǵa negizdelgen BUU-nyń qamqorlyǵymen terrorızmge qarsy eń aýqymdy koalısııany qurýǵa shaqyrady.

Sonymen qatar UQShU-ǵa múshe memleketterdiń 2025 jyl­ǵa deıingi zańsyz kóshi-qonǵa qar­sy áreket etýdiń ujymdyq júıesin damytý jónindegi Is-qımyl jospary jáne UQShU-ǵa múshe memleketterdiń múddesinde úılestirilgen aqparattyq saıasatty ázirleý jónindegi Is-qımyl jospary bekitildi.

UQShU Ujymdyq kúshteriniń uıymdyq jáne basqarýshylyq áleýetin kúsheıtý úshin Keńes UQShU Ujymdyq jedel áre­ket etý kúshteriniń áskerı kon­tın­gentteri quramy men arnaıy kúsh­terdi qalyptastyrý týraly, sondaı-aq UQShU áskerı bas­qar­masyn uıymdastyrýǵa qatys­ty ózgertýler engizý týraly she­shim­derge qol qoıdy. 

Sonymen birge «Halyqaralyq terrorıstik uıymdar jaǵynda qarýly qaqtyǵystarǵa qatysqan adamdarǵa qatysty úılestirilgen sharalar týraly» birlesken má­limdeme qabyldandy.

Sessııanyń kún tártibinen tys UQShU-nyń jańa Bas hatshy­syn taǵaıyndaý máselesi qa­raldy. Oǵan baılanysty memleket basshylary 2018 jylǵy 

6 jel­­toqsanda Sankt-Peterbýrgte bolatyn kezdesýde talqylaýdy jalǵastyrýǵa kelisti.

Sammıttiń qorytyndylary boıynsha Uıymdaǵy belgilengen tártipke sáıkes UQShU-daǵy tóraǵalyq 2019 jyly Qyrǵyz Respýblıkasyna ótti. Barlyq taraptar osy eldiń prezıdenti Sooronbaı Jeenbekovtiń Uıym qyzmetiniń aldaǵy kezeńine usyn­ǵan basym baǵyttaryna qoldaý kórsetti. UQJ kezekti sessııasyn Qyrǵyzstanda ótkizý týraly kelisimge qol jetkizildi.

UQJ sessııasynyń qar­sa­ńynda ótken Syrtqy ister mınıs­trleri keńesiniń, Qorǵanys mı­nıstrleri keńesiniń, UQShU Qaýipsizdik keńesteri hatshylary komıtetiniń birlesken otyrysy barysynda seriktesterdiń nazary halyqaralyq qaýipsizdik máseleleri jónindegi arnaıy joǵary deńgeıdegi kezdesýdi (AQSh – Reseı – QHR – EO) uıym­dastyrý týraly Memleket basshy­synyń bastamasyn birlese ázirleý qajettiligine aýdarylǵanyn atap ótkim keledi.

Qaırat ÁBDIRAHMANOV,

Syrtqy ister mınıstri