Eki eldiń Memleket basshylary N. Nazarbaev pen Sh. Mırzııoevtiń bastamasymen ótkizilgen Forým jumysyna Qazaqstan men О́zbekstan óńirleriniń basshylary qatysty.
Forýmnyń plenarlyq otyrysynda sóz sóılegen QR Birinshi Vıse-Premeri 2018 jyly eki halyqtyń mádenı jáne saýda-ekonomıkalyq baǵyttarda is júzinde jaqyndaı túskenin atap ótti. Asqar Mamın Qazaqstandaǵy О́zbekstan jylyn sátti ótkizý turǵysynan Forýmnyń arnaıy ótkizilgenin aıtyp, bıyl ekijaqty yntymaqtastyqty odan ári damytýǵa septigin tıgizetin kóptegen is-sharalar uıymdastyrylǵanyn tilge tıek etti.
QR men О́R arasyndaǵy ózara saýda-sattyq oń qarqynǵa ıe. 2018 jyldyń 9 aıynda saýda aınalymy $2 mlrd astam somany qurady, bul ótken jyldyń sáıkes kezeńimen salystyrǵanda 40% joǵary.
«Boljamdarǵa sáıkes, 2018 jyldyń qorytyndysy boıynsha ózara saýda-sattyq kólemi $3 mlrd quraıdy. Elbasy saýda-sattyq kólemin odan ári ulǵaıtýdyń úlken áleýetin eskere otyryp, 2020 jylǵa qaraı saýda aınalymynyń kólemin $5 mlrd jetkizý týraly mindet qoıdy», — dedi QR Birinshi Vıse-Premeri.
Asqar Mamın men Achılbaı Ramatov Qazaqstan men О́zbekstan shekarasyndaǵy — «Jibek joly» jáne «Iаllama» ótkizý pýnkterin tekserdi.
Tekserý barysynda sıfrlyq tehnologııalardy qoldanýmen shekaradan ótetin pýnktterdiń ınfraqurylymyn jańǵyrtý, qoldanystaǵy ótkizý pýnktterin jedeldetip rekonstrýksııalaý, eki jańa ótkizý pýnktterin ashý máselelerin pysyqtaý, sondaı-aq avtovokzal salý qajettigi eskerildi.
A. Mamın shekaralyq ótkizý pýnkterinde ınfraqurylymdyq shekteýlerdi alyp tastaýdyń, azamattardyń, júkter men kólik quraldarynyń birlesken shekara boıynsha qozǵalysyna qolaıly jaǵdaılar jasaýdyń strategııalyq mańyzdylyǵyn atap ótti.
Eki el arasyndaǵy yntymaqtastyqtyń mańyzdy baǵyttary ónerkásip, qurylys, kólik, tranzıt, týrızm jáne t.b. salalary bolýy tıis.
О́z kezeginde О́R Premer-Mınıstriniń Birinshi orynbasary A. Ramatov «eki el arasyndaǵy seriktestik qatynastyń berik negizi jáne uzaqmerzimdi keleshegi bar» dedi. Qazirgi tańda О́zbekstanda ekonomıkanyń ártúrli salalarynda qazaqstandyq kapıtaldyń qatysýymen 260 jýyq kásiporyn jumys isteıdi. Qazaqstanda О́zbekstan jylyn ótkizý barlyq salalarda yntymaqtastyqty keńeıtýdiń bastaýy bolmaq.
Forým qorytyndysy boıynsha eki el óńirleriniń basshylary ekonomıkanyń basym sektorlarynda birlesken jobalardy iske asyrý salasynda 16 qujatqa qol qoıdy.
Jibek joly elderiniń vızalyq rejımderin ózara taný týraly, «KTZ Express» AQ men «О́zavtotranstehnıka» ǵylymı-óndiristik ortalyǵy arasynda birlesken kásiporyn qurý týraly kelisimderge qol qoıyldy. Sonymen qatar, «QazTransGaz» AQ men «О́zTransGaz» AQ arasynda О́zbekstan aýmaǵy arqyly tabıǵı gazdy tasymaldaý týraly kelisimge qol qoıyldy.
