Forýmda oblystyq qoǵamdyq keńestiń tóraǵasy, oblystyń Qurmetti azamaty Jandar Káribaıuly, Qazaqstannyń Eńbek Eri Aıagúl Mırazova, Qazaq kúresinen Halyqaralyq dárejedegi sport sheberi, úsh dúrkin Qazaqstan Barysy Beıbit Ystybaev, «Sháýshen» sharýa qojalyǵynyń tóraǵasy Saıranbaı Dónenbaev, bilikti ekonomıst, mesenat Azamathan Ámirtaı, Almaty qalasyndaǵy «RUMI GROUP» meıramhanalar jelisiniń negizin qalaǵan kásipker Qýanysh Shońbaı, Qazaqstannyń Eńbek Eri, «Qazfosfat» JShS bas dırektory Muqash Eskendirov, Taraz ınnovasııalyq-gýmanıtarlyq ýnıversıtetiniń rektory Erbolat Saýryqov jáne taǵy basqa da azamattar týǵan jer týraly tebirene sóıledi.
Sóz alǵan azamattar «Týǵan jerge týyńdy tik!» aksııasy aıasynda Áýlıeata óńirinde qandaı jumystar atqaryp otyrǵanyn áńgimeledi. Joǵary deńgeıde ótken shara barysynda týǵan ólkeniń damýyna eleýli úles qosqan belsendi tulǵalarǵa, bıznes ókilderine jáne túrli uıymdarǵa «Jomart júrek» syılyǵy tabys etildi. Sondaı-aq, elimizge eńbegi sińgen jambyldyq 8 azamatqa «Amanat» marapaty berildi.
Jıynǵa, jalpy, memlekettik mekemeler basshylary, eńbek ujymdary, iri kásiporyndar men óndiris basshylary, etnomádenı birlestikter, sportshylar, qala jastary jáne respýblıkalyq, oblystyq deńgeıdegi buqaralyq aqparat quraldary qatysty.
Al shara sońy óner juldyzdarynyń konserttik baǵdarlamasyna ulasty.
Hamıt ESAMAN,
«Egemen Qazaqstan»
Jambyl oblysy
