Forýmǵa qatysqan «Atameken» UKP janynan qurylǵan respýblıkalyq Isker áıelder keńesiniń tóraıymy Lázzat Ramazanova óńirde taǵy bir jańa joba BUU-nyń UNIDO jobasyn elimizde birinshi bolyp Pavlodar oblysynda júzege asyrýdy usyndy. О́ńirlik Isker áıelder keńesine óndiristik saladaǵy áıelder kásipkerligin damytýǵa qatysty qoldaý qajet.
Oblys ákimi Bolat Baqaýovtyń aıtýynsha,óńirdegi 43 myń shaǵyn jáne orta bıznes salasynda eńbek etip júrgenderdiń kóbi kásipker, isker áıelder qolynda. О́nimderin naryqqa shyǵarýda qoldaý kórsetýge ázir.
О́ńirlik Kásipkerler palatasy janynan qurylǵan Isker áıelder keńesiniń quramynda 25 áıel bar. Keńester aýdandarda jumys isteıdi. Oblystyq Isker áıelder keńesiniń tóraıymy Raıhangúl Satabaevanyń aıtýynsha, jyl basynan beri ásker áıelder quny 322,9 mıllıon teńge turatyn 113 joba bastaǵan.
Mysaly, aýdan ortalyǵy Aqtoǵaıda turatyn «Svıstýnova» jeke kásipkerliginiń basshysy Olga Svıstýnova 2005 jyldan beri plastıkalyq terezeler jasaýmen aınalysady. Olga «Bıznestiń jol kartasy-2020» baǵdarlamasy boıynsha memlekettik grantqa ıe bolyp, júk kóligin satyp alady.
- Joldaýda Elbasynyń «Bıznestiń jol kartasy-2020» baǵdarlamasyn 5 jylǵa uzartý týraly tapsyrmasy biz úshin úlken múmkindik. Memleket qarjylaı qoldaýymen qajetti quraldar satyp alýǵa bolady. Jumys, damý bolsa, jumysshylardyń eńbekaqylaryn da kóbeıte alamyz,- deıdi.
Aýdan ortalyǵy Ertis aýylynyń turǵyny Janar Seıitova bolsa,Fast Fýd kafesin ashqan. Janar buryn memlekettik qyzmetker boldy. Qazir aýdan ortalyǵynda jyldam tamaqtandyrý salasyndaǵy óziniń oılaǵan jobasyn qolǵa aldy.
- «Bastaý» jobasy boıynsha oqyp, bıznes-josparymdy qorǵadym. Bıyl jazda «Aýyl sharýashylyǵyn qarjylaı qoldaý qory» arqyly jeńildikpen 5 mıllıon teńge nesıe aldym. Qazir kafede shaýrma, dóner, samsa, káýap, hot-dogtar, frı kartoby, gambýrgerler ázirleımiz, deıdi Janar.
О́ńirde «Atameken» Ulttyq kásipkerler palatasynyń baǵdarlamalary aıasynda 3 myńnan astam áıelge túrli kásibı keńes pen kómek berildi.
Forým sońynda úzdik kásipker Isker áıelderge «Atameken» Ulttyq kásipkerler palatasynyń, oblys ákiminiń marapattary tabystaldy.
Farıda BYQAI,
«Egemen Qazaqstan»
Pavlodar
Sýretti túsirgen: Valerıı Býgaev
