– Sizdiń ákeńizben uzaq jyl boıy jaqsy tanys boldyq. Akademııalyq degen ataǵy bar «Otyrar sazy» orkestri sol kisiniń esimimen atalady. Kezinde bul orkestrde 6 adam bar edi, qazir 66 mýzykant jumys isteıdi, – dedi Qazaqstan Prezıdenti.
Nursultan Nazarbaev rýhanı jańǵyrý baǵdarlamasynda kórsetilgen mindetterdi oryndaý isinde folklorlyq-etnografııalyq orkestrdiń róli erekshe ekenin aıtty.
– Gastrolmen Fransııaǵa bardyńyzdar, Astanada óner kórsettińizder. Halqymyzdyń mýzykalyq aspaptaryn búkil álemge tanytyp júrsizder. Tól ónerimizdi dáripteý maqsatymen Ulttyq dombyra kúni de bekitildi. Ony merekeleýge 1 myńnan astam dombyrashy qatysty. Munyń bári «Rýhanı jańǵyrý» baǵdarlamasynyń baǵyttaryna saı keledi. Siz uly kompozıtor Nurǵısa Tilendıevtiń isin jalǵastyryp kelesiz, sol úshin alǵys aıtamyn, – dedi Elbasy.
Dinzýhra Tilendıeva ulttyq óner salasyn damytýǵa zor mán berip otyrǵany úshin Qazaqstan Prezıdentine alǵys bildirip, elimizdegi damý baǵdarlamalaryn qoldap, atsalysatynyn aıtty.
