«Eń úzdik fılm» júldesi Sábıt Qurmanbekovtyń «Oralman» fılmine, al «Úzdik akter» júldesi osy fılmde basty róldi somdaǵan Dýlyǵa Aqmoldaǵa buıyrdy.
Qazaqstan kınematografıster odaǵynyń sheshimimen Ardaq Ámirqulov úzdik rejısser bolyp tanyldy («Únsizdikte» fılmi úshin). «Úzdik aktrısa» júldesi «Aıka» fılminde basty róldi somdaǵan Samal Eslıamovaǵa tabystaldy. «Úzdik ssenarıı» nomınasııasynda «Ákege qońyraý shalý» fılminiń ssenarıı avtory Serik Aprymov úzdik dep tanylsa, úzdik prodıýser bolyp «Almas qylysh» fılminiń prodıýseri Arman Asenovtyń esimi ataldy.
«Qulager» júldesin derekti kıno ókilderi de aldy. Máselen, «Altyn Emel» fılminiń rejısseri Oleg Belıalov «úzdik rejısser-dokýmentalıst» júldesine ıe boldy. Al Anvara Sadyqova men Ǵazız Nasyrov túsirgen «Qazaq bıi» derekti fılmi «Úzdik derekti fılm» júldesine qol jetkizdi.
Ulttyq kınojúldeni tabystaý rásiminde qazaq mýltıplıkatory da erekshe ataldy. Sh.Aımanov atyndaǵy «Qazaqfılm» kınostýdııasy jaryqqa shyǵarǵan tolyqmetrajdy «Muzbalaq» fılmi «Úzdik anımasııalyq fılm» júldesin aldy. Odan bólek, «Qulager» júldesi Ramıl Ýsmanovqa (Úzdik rejısser-anımator) jáne qazaq anımasııasynyń damýyna úles qosqany úshin Jáken Dánenovqa tabystaldy.
Otandyq jas kınogerler de qur qol qaıtpady. «Úzdik qysqametrajdy fılm» júldesi «Asan» fılmi úshin Berik Jahanovqa, al «Úzdik debıýt» júldesi «Na granı» fılminiń rejısseri Aldııar Baırakımovqa tabystaldy.
Eksperttik komıssııasy qazaq kınosynyń basqa da ókilderin júldemen marapattady. «Almas qylysh» kartınasy úshin Ajar Áýbákirova úzdik kostıým jónindegi sýretshi dep tanyldy. Odan bólek, «Qulager» statýetkasyn: operator Azamat Dýlatov («Lıft»), dybysrejısseri Sergeı Lobanov («Únsizdikte»), kompozıtor Qýat Shildebaev («Túrkisib»), qoıýshy-sýretshi О́mirzaq Shmanov («Únsizdikte»), sýretshi-grımer Lıdııa Ordynskaıa («Anaǵa aparar jol»), sondaı-aq, kaskader Qasym Jumaǵujın. Kınodaǵy úzdik effekti - «Cubic» stýdııasy.
Qazaq kınosyna qosqan úlesi úshin Qadyr Qosaı men Igor Vovnıankoǵa Qulager premııasy tabystalyp, kınotanýshy Názıra Muqyshevaǵa da statýetka berildi.
