Ashyq derekter paneli jarnama berýshilerge qazaqstandyq medıa jaıly eń senimdi derekterdi alýǵa múmkindik beredi. Onyń basty maqsaty – keń jurtshylyqqa onlaın analıtıkanyń naqty derekterimen bólisýge daıyn qatysýshylar arqyly ashyq naryqty qurýǵa múmkindik jasaý.
Qazaqstandyq BAQ naryǵyn damytý máselelerine arnalǵan XI respýblıkalyq «Media Quryltaı 2018» konferensııasy aıasynda baıaqaýdan ótken 25 BAQ-tyń Chartbeat ókilderimen jabyq kezdesýi ótti. Kezdesý kezinde Chartbeat kompanııasynyń klıenttermen jumys júrgizý jónindegi mamany Djeıkob Anderson qatysýshylarǵa jetekshi analıtıkalyq kompanııanyń onlaın-metrıkalarynyń artyqshylyqtary jáne otandyq BAQ-pen birlesken joba jaıly aıtyp berdi.
Baıqaý qatysýshylary Chartbeat kompanııasymen kelisimshartqa qol qoıyp, keń jurtshylyqqa kórsetiletin bes ólshemdi tańdady, olar – saıttaǵy betterdi qaraý sany (page view), biregeı qoldanýshylar sany (concurrents), trafık kózi (traffic source), geo-derekter (location) jáne saıtta bolý ýaqyty (engaged time). Endi jobanyń kelesi kezeńi aıasynda Ortaq panel qurylyp, ol 2019 jyldyń birinshi toqsanynda onlaında jumys jasap bastamaq.
