«Kóshe saýdasyna arnalǵan 250 oryn» jobasyna daıyn bıznes-jospary bar, salyq qaryzdary joq kásibin jańadan ashqan nemese jumys istep turǵan kez-kelgen kásipker qatysa alady. Bul týraly bir aılyq «Bastaý» kásipkerlik oqytýlarynyń tyńdaýshylaryna «Aqtóbe» ÁKK UK» AQ ókilderi aıtyp túsindirdi.
«Jobanyń ereksheligi sol –kásipkerler óz ónimderin deldaldarsyz, tikeleı satýǵa shyǵara alady. Negizgi basymdyq jergilikti aýylsharýashylyq ónimderine beriledi.Bir jaǵynan, qala turǵyndary alysqa barmaı-aq, sapaly ónimderdi arzan baǵaǵa satyp alady, ekinshi jaǵynan kásipkerler ózderi turatyn aýdannan jumys ornynqurýǵa múmkindik alady. Sonymen qatar, shashtaraz qyzmeti men tigin sheberhanasynashýǵa bolady. Eger bir jerdi alýǵa 4 ótinim tússe, ony komıssııanyń qaraýyna beredi, al odan kóp bolsa, jer telimi aýksıonǵa shyǵarylady»,-deıdi«Aqtóbe» ÁKK UK» AQ mamany Aleksandra Qaldyǵulova.
Jer telimin bólýde pavılondardyń syrtqy kórinisi men onyń qala sáýletine jáne zamanaýı talaptarǵa sáıkestigi eskeriledi. Saýda oryndarynyń 7 jyl merzimge jalǵa beriledi, sondyqtankásipkerlerdiń jumsaǵan shyǵyndary tolyq ótelýi tıis. Jalǵa berý quny saýda núkteleriniń ákimshilik shyǵyndaryna ǵana jumsalady, ıaǵnı aıtarlyqtaı kóp emes.
Bul bastamany alǵash ret «Atameken» UKP kóterip, pılottyq rejımde Astana qalasynda ótkizdi. Joba tıimdi júzege asyrylǵan soń, barlyq oblystarǵa, onyń ishinde Aqtóbege de taratyldy. Kásipkerler palatasy bıznes ortaǵa túsindirý jumystaryn júrgizýde.
2017-2020 jyldar aralyǵynda joba boıynsha 250 jer telimi beriledi. «Bastaýlyqtardy» qujattardyń azdyǵy men jalǵa berý merziminiń uzaqtyǵy qyzyqtyrdy.
Basqosýǵa qatysqan Memlekettik kiris departamentiniń mamany Jeke kásipkerlik pen JShS retinde tirkelýdiń sharttary týraly aıtyp, «Bastaý» tyńdaýshylarynyń salyq tóleý, esep berý jáne onlaın-kassalyq apparattardy qoldaný týraly suraqtaryna jaýap berdi.
Mamandarmen kezdesý Aqtóbedegi «Bastaý» jobasynyń tyńdaýshylaryna arnaıy ótkizildi. Aılyq oqý kýrsy osy aptanyń sońynda aıaqtalady. 26 qarasha kúni olar óz bıznes-josparlaryn qorǵaıdy.
Búgingi kúni oblystaǵy 12 aýdan boıynsha 1 902 adam tegin oqytýdan ótti. Olardyń 508-i óz bıznes ıdeıalaryn sátti qorǵap shyqty. Úsh júzden asa aýyl turǵyny 803 mln teńge kóleminde qarjylaı qoldaýǵa ıe boldy. Jyl sońyna deıin barlyǵy 2 231 adamdy oqytý josparlanyp otyr.
Temir Qusaıyn,
«Egemen Qazaqstan»
