Joba aıasyndaǵy alǵashqy tarıhı-tanymdyq ekskýrsııa túrki áleminiń astanasy Túrkistan qalasynda ótti. Sharaǵa 15 shaqty alys-jaqyn shetelderden kelgen (Avstrııa, Anglııa, Fransııa, Shvesııa, Iran, Qytaı, Túrkııa, Monǵolııa, Tájikstan, Reseı, Belorýs, Ýkraına, О́zbekstan, Qyrǵyzstan) 30-ǵa jýyq otandasymyz qatysyp, olarǵa Qoja Ahmet Iаssaýı, Arystan Bab keseneleri men óńirdiń basqa da kórikti jerleri tanystyryldy.
«Qasıetti Qazaqstan: Týǵan jerge taǵzym» jobasy aıasynda Q.A.Iаssaýı atyndaǵy Halyqaralyq qazaq-túrik ýnıversıtetinde «Qazaqstannyń kıeli jerleri» taqyrybynda dóńgelek ústel boldy.
«Otandastar Qory» KEAQ Prezıdenti Nurtaı Ábiqaev Atajurtqa jınalǵan qandas baýyrlarǵa sálem berip, olarmen ótken kezdesýi úshin alǵysyn bildirdi. Qor basshysy bas qosý orny retinde Túrkistan qalasyn tańdaýda erekshe mán baryna da toqtalyp ótti.
«Týǵan jerge taǵzym» is-sharasy Qazaqstan Respýblıkasynyń Úkimetimen bekitilgen Sheteldegi qazaqtardy qoldaý jónindegi 2018 – 2022 jyldarǵa arnalǵan is-sharalar josparyna sáıkes júzege asyrylýda. Iаǵnı, biz Táýelsizdik jyldarynda alystaǵy aǵaıyndy qoldaýdy eshqashan esten shyǵarǵan emespiz. Osyǵan dálel retinde ózderińiz búgin halqymyzdyń rýhanı murasynyń sarqylmas qazynasy – Túrkistandy araladyńyzdar. Osynyń barlyǵy memleket basshylyǵynyń, oblys ákimshiliginiń tikeleı qoldaýymen júzege asyrylýda. Qazirgi kezde, shetelden 1 mıllıonǵa jýyq qazaqty elge kóshirip alyp, qoldan keler barlyq kómegimizdi jasadyq. Búginde sol baýyrlarymyz Qazaqstannyń azamaty atanyp, el damýyna óz úlesterin qosýda. Sonymen qatar, búgingi tańda 5 mıllıonnan astam qandasymyz shet memleketterde turyp jatyr», dedi ol.
Shara barysynda sheteldik otandastarymyz «Qasıetti Qazaqstan: Týǵan jerge taǵzym» arnaıy jobasyna qatysý múmkindigi úshin alǵysyn bildirip, ózderin tolǵandyratyn birqatar máseleleri men usynystaryn da aıtyp ótti. Máselen, Fransııadaǵy Mustafa Shoqaı fransýz-qazaq dostyq qoǵamynyń basshysy Iаshar Dınch myrza Naýryz meıramyn ár jyly ár elde ótkizýge usynys bildirdi. Onyń aıtýynsha, birlesip ótkizgen ulttyq meıramnyń sheteldegi qazaqtar úshin salt-dástúri men mádenıetin saqtaýynda mańyzy zor bolmaq. Sonymen qatar, fransııalyq otandasymyz til máselesiniń de óte ózekti ekenin jetkizip, sheteldegi ustazdar qataryn kóbeıtý kerektigin aıtty.
Til máselesine qatysty alańdaýshylyqty Tájikstan elindegi qazaq dıasporasynyń ókili Záýre Samınova da bildirdi. Sonymen birge, tájikstandyq otandasymyz qazaq tilinde shyǵatyn oqýlyq-kitaptardyń basylymdyq nusqalaryna qol jetkizsek degen nıetin aıtty. Buǵan basty sebep – Tájikstannyń aýyldyq jerlerinde jaryqtyń táýligine 2 saǵat beriletindiginen elektrondy oqýlyqtardy tutynýdyń múmkin emestigi eken.
Mońǵolııa-Qazaqstan dostyq jáne yntymaqtastyq odaǵynyń tóraǵasy Bákeı Aǵyparuly sheteldik qazaqtardyń basty máselesi ulttyq-rýhanı qundylyqtardy saqtaýǵa saıatynyn jetkizdi. Osy rette dúnıe júzinde tarydaı shashylǵan qazaqtardyń máseleleri men muqtajdaryn ǵylymı turǵyda zertteýdi usyndy.
«Otandastar Qory» KEAQ Prezıdenti Nurtaı Ábiqaev usynystardyń tolyq tyńdalǵanyn, olardyń máselelerdi sheshý barysynda eskeriletindigin jetkizdi.
«Otandastar» Qory», Qoǵamdyq damý mınıstrligi jáne Dúnıejúzi qazaqtar qaýymdastyǵy «Qasıetti Qazaqstan: Týǵan jerge taǵzym» tarıhı-tanymdyq ekskýrsııalaryn aldaǵy bes jyl ishinde elimizdiń ózge de óńirlerinde júıeli túrde ótkizýdi josparlap otyr. Kelesi rette joba Aqtaý, Pavlodar, Almaty jáne t.b. qalalardy qamtıtyn bolady. Uıymdastyrýshylardyń aıtýynsha, kıeli jerlerdi jaqynnan tanyp, jiti zertteý arqyly sheteldik qandastar tarıhı otanynyń ótkenine úńilip, elimizdiń mádenıetine, ónerine jáne halyqtyq dástúrlerine jaqyndaı túsedi.
