«Batys» óńirlik qolbasshylyǵynyń bastamasymen uıymdastyrylǵan konferensııaǵa Atyraý, Aqtaý jáne Aqtóbe garnızonynyń basshylyq jáne komandırler quramy qatysty.
Konferensııa barysynda jaýyngerlik jáne jedel daıyndyq úrdisine soǵystyń zamanaýı, dástúrli mese jáne gıbrıdti túrleri men ádisterin eskere otyra novatorlyq ıdeıalardy engizý máseleleri talqylandy.
«Batys» óńirlik qolbasshylyǵynyń áskerleri qolbasshysy general-maıor Qanysh Abýbakırovtyń aıtýy boıynsha, búgingi kúni áskerı qaqtyǵystardyń ishinde «gıbrıdtik qaýiptilik» tárizdes uǵym keń jaıylýda.
- Bul qarsylastyn kózdegen maqsatyna jetý úshin soǵys júrgizý kezinde qalyptasqan dástúrli jáne dástúrli emes túrlerin qatar qoldanatyn erekshe ádis bolyp tabylady. Biz bul uǵymnyń mániń túsinýimiz kerek. Ofıserler ózderiniń baıandamasy kezinde álemde bolyp jatqan áskerı shıelenisterdi eskere otyra úlken saraptamalyq jumysty júrgize aldy. Birqatar usynystar men saraptamalyq málimetterdi aldynǵy jyldaǵy jaýyngerlik daıyndyq baǵdarlamasyna qosamyz degen oıdamyz, dedi qolbasshy Q.Aýbakırov.
Bul tárizdes áskerı-ǵylymı konferensııa Atyraý qalasynda alǵash ret ótkizilip, áskerı qyzmetshiler arasynda úlken qyzyǵýshylyq týdyrdy. Konferensııa sonynda óńirlik qolbasshylyqtyń aǵymdaǵy jyldyń qortyndysy jasalyp, 2019 oqý jylyna tapsyrmalar belgilendi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
