Bul sapar Ábý-Dabıdiń Murager hanzadasy, BAÁ Joǵarǵy Bas Qorǵanys kúshteriniń Orynbasary sheıh Muhammed ben Zaıd ál Nahaıannyń Astanaǵa sapary jáne onyń Qazaqstan Prezıdenti Nursultan Ábishuly Nazarbaevpen a.j. 4 shildesinde jasaǵan kelissózderi aıasynda qol jetkizilgen kelisimderdiń oryndalýy aıasynda ótti.
Kelissózderdiń basty taqyryby ekonomıkanyń túrli salalarynda ınvestısııalyq yntymaqtastyq máseleleriniń aýqymyn qamtý boldy. Energetıka salasyndaǵy yntymaqtastyqtyń zor áleýeti atalyp ótti.
Borealis (Mubadala) kompanııasymen birlesip iske asyrylyp jatqan polıetılen óndirý jobasy boıynsha birlesken jobalyq kompanııa qurylǵan, TEN ázirleý júrgizilip jatyr. Jobany shıkizatpen qamtamasyz etý máselesi tolyq sheshilgen. Jobanyń shamalanǵan qýattylyǵy 1250 myń tonna polıetılen, quny $6,5 mlrd.
Sonymen qatar arab tarapy qurylys Atyraý oblysynda júrgizilip jatqan polıpropılen óndirisi boıynsha jobaǵa kirýge qyzyǵýshylyǵyn naqtylady. Jobanyń shamalanǵan qýattylyǵy 500 myń tonna polıpropılen, quny $2,6 mlrd.
Taraptar sonymen qatar energetıka salasyndaǵy birqatar perspektıvaly birlesken jobalardy talqylady.
Taraptar «Baıqońyr» ǵarysh aılaǵy bazasynda aeroǵarysh salasyndaǵy yntymaqtastyqtyń joǵary áleýetin atap ótti, №1 «Gagarınskıı start» starttyq keshenin jańǵyrtý boıynsha ınvestısııalyq joba men «Soıýz-2» tıpti zymyran-tasyǵyshtardaǵy ǵarysh apparattaryn jiberý talqylandy. Turaqty konsýltasııalar ótkizetin úsh jaqty jumys toby quryldy (QR, BAÁ, RF). Ǵarysh apparattaryn ushyrý boıynsha qyzmetter naryǵyn baǵalaý aıaqtaldy. Joba boıynsha sheshim 2019 jyldyń birinshi toqsanynda qabyldanady.
Kólik-logıstıkalyq salada yntymaqtastyq damyp keledi. Qazaqstanda Mubadala (BAÁ) ınvestısııalyq qorymen birge «Qorǵas-Shyǵys qaqpasy» erkin ekonomıkalyq aımaǵynyń aýmaǵynda zamanaýı A-klasstyq qoıma ǵımaratyn salý jobasy jalǵasýda. Árqaısysy 14 000 m2 bolatyn eki qoıma 2019 jyldyń qańtarynda qoldanysqa beriledi dep josparlanyp otyr.
BAÁ temirjol júıesin damytýdyń birlesken jobalary talqylandy. Temir jol ınfraqurylymynyń damý nysandarynyń uzyndyǵy 604 km quraıdy. Qazaqstandyq kompanııalar tenderlik rásimderge belsene qatysady jáne jobany júzege asyrý aldyndaǵy biliktiligin rastady. Jobanyń birinshi kezeńine qatysý týraly sheshim 2019 jyldyń I toqsanynda qabyldanady.
Sonymen qatar, ekonomıkanyń basqa salalaryndaǵy yntymaqtastyq jobalary da talqylandy.
