2018 jyldyń 23 qarashasynda «Damý» kásipkerlikti damytý qory» AQ Mańǵystaý oblysy boıynsha aımaqtyq fılıaly osy baǵdarlamalar aıasynda qoldaý tapqan kásiporyndar boıynsha baspasóz týryn ótkizdi. Jýrnalıster, óz bıznes ıdeıalaryn ár salada júzege asyryp keletin oblystaǵy tórt kásiporynǵa baryp, olardyń paıdalanǵan memlekettik baǵdarlamalarymen tanysty.
Jýrnalıster aldymen barǵan kásiporyn - «Kaspıı Kurylys LTD» JShS. Kompanııa Mańǵystaý jáne Atyraý oblystarynda kóp jylǵy tájirıbege ıe. Sondaı-aq, 1-sanattaǵy memlekettik qurylys lısenzııasyna ıe kompanııa. Kásiporynnyń negizgi mindeti – zamanaýı yńǵaıly, ári jaıly turǵyn úıdiń barlyq qajettilikterine ıe kóppáterli turǵyn úılerdiń qurylysyn júrgizý. О́zderińizge belgili, Qazaqstanda ıpotekalyq baspana alýǵa arnalǵan «Nurly jer» memlekettik baǵdarlamasy júzege asýda. Atalǵan baǵdarlama aıasynda keıinnen satyp alý quqyǵyn beretin «Jaldamaly baspana» baǵyty qolǵa alynýda.
Halyqqa qol jetimdi baspana qurylysyn yntalandyrý maqsatynda qurylys kompanııalary úshin «Nurly jer» baǵdarlamasy aıasynda sýbsıdııalaý túrinde memlekettik qoldaý qarastyrylǵan. «Damý» Qorynyń Mańǵystaý fılıalynyń dırektory Qalymbetova Gúljan Jolmurzaqyzynyń aıtýynsha: «Aqtaý qalasy elimizdiń munaıly qalalarynyń biri bolǵandyqtan, Almaty, Astana qalalarymen birge qoljetimdi baspana úlken suranysqa ıe, oǵan aımaqtaǵy demografııalyq jaǵdaı, týý kórsetkishiniń joǵarylaýy, halyqtyń turmys tirshiliginiń jaqsarýy yqpal etýde. «Aıraqty» turǵyn úı keshenindegi 7 qabatty úıdiń qurylysyn jáne «Aıraqty-2» turǵyn úı keshenindegi úsh 9 qabatty úıdiń qurylysyn aıaqtaý úshin, kompanııa 14%-dyq qarjylaı kómek alǵan bolatyn, onyń 7% «Nurly jer» turǵyn úı qurylysy memlekettik baǵdarlamasy aıasynda sýbsıdııalandy, nesıe merzimi 3 jyl. Qurylys aıaqtalǵan soń jalpy aýmaǵy 20 350 myń sh.m. quraıtyn 250 páter paıda bolady dep josparlanýda. Páterlerdi satý tikeleı jáne «Turǵyn úı qurylys jınaq banki» AQ arqyly iske asyrylady». Atalǵan joba «ATF Bank» AQ arqyly qarjylandyryldy.
Ekinshi nysan - «Muhambet» medısınalyq ortalyǵy» boldy. Ortalyq – balalar men eresekterge ambýlatorlyq-emhanalyq kómek kórsetip, dári-dármekterdi taratýmen jáne satýmen aınalysady. Medısınalyq ortalyqtyń 468 sh.m quraıtyn ǵımaratynda barlyq qajetti salalyq dárigerleri, sondaı-aq zerthanalyq dıagnostıka qyzmet kórsetedi. Barynsha sapaly medısınalyq qyzmet kórsetý maqsatynda, «Nur Kapıtal» shaǵyn jáne orta kásipkerlik sýbektilerin qoldaý aımaqtyq baǵdarlamasy boıynsha memlekettik qoldaýdyń kómegimen, qoldanystaǵy zamanaýı jaraqtalǵan medısınalyq ortalyqty keńeıtip, Ońtústik Koreıada óndirilgen medısınalyq qural-jabdyqtardy nesıege alý arqyly jańartty. Nesıe ınvestısııalyq maqsatqa «Forte bank» AQ arqyly 7 jyl merzimge, jyldyq paıyzy 8,5%-ǵa alyndy. Onyń jyldyq 7,5% 5 jyl boıy jergilikti bıýdjet esebinen sýbsıdııalanady.
«Elimizdiń damý jolyndaǵy memlekettik saıasattyń negizgi baǵyttarynyń biri – medısınalyq qyzmettiń sapasyn arttyryp, densaýlyqsaqtaýdyń joǵary tehnologııalyq júıesin damytý. Aýyl turǵyndary úshin medısınalyq qyzmettiń qoljetimdiligin arttyrý maqsatynda «Muhambet» medısınalyq ortalyǵy «Nur Kapıtal» shaǵyn jáne orta kásipkerliktiń sýbekterin qoldaý aımaqtyq baǵdarlamasy boıynsha jylyna 1% quraıtyn nesıe alý múmkindigin sátti paıdalanǵan bolatyn. Atalǵan jabdyq tutynýshyǵa kardıologııa, gınekologııa, otolarıngologııa, ovtalmologııa boıynsha medısınalyq qyzmet tizimin arttyrýǵa múmkindik beredi», - dep atap ótti «Damý» Qorynyń Mańǵystaý fılıalynyń dırektory G.Qalymbetova.
Kezekti «Caspio Plast» JShS-i aldy. Kompanııa qyzmetiniń negizgi túri polıetılen qubyrlaryn shyǵarý bolyp tabylady. Kompanııa Qazaqstan óndirýshiler naryǵynda jaqynda paıda bolǵanymen, óz salasy boıynsha jemisti nátıje kórsete bastady. Kompanııa qurylatyn kezde jetekshileri joǵarǵy sapaly ónim shyǵarýdy maqsat etken bolatyn. Oǵan zamanaýı tehnologııalar, sondaı-aq, álemniń jetekshi kompanııalarynyń qural jabdyqtary men shıkizaty arqyly qol jetkizýge bolady. «Damý» Qorynyń Mańǵystaý fılıaly ókiliniń aıtýynsha, iri tapsyrystar túse bastaýyna baılanysty kompanııa óńdeý ónerkásibi salasyndaǵy orta jáne shaǵyn kásipkerlik sýbekterin qoldaý baǵdarlamasy aıasynda 6%-dyq nesıeni 3 jyl merzimge alý týraly sheshim qabyldaıdy. Maqsat – aınalymdaǵy qarajatty tolyqtyrý, negizgi maqsat – shıkizat satyp alý. Sondaı-aq kompanııa ekinshi óndiristik jeli ashý arqyly ónimdiligin arttyrýdy josparlaýda. Atalǵan joba «Qazaqstan halyq banki» AQ Mańǵystaý oblystyq fılıaly arqyly qarjylandyryldy.
Joba 18 aı men 6 jasqa deıingi balalar úshin 130 oryndyq balalar baqshasyn qurýdy kózdeıdi. Atalǵan joba «BankSentrKredıt» AQ arqyly qarjylandyrylǵan, kásipker 2017-2021 jyldarǵa arnalǵan «Eńbek» jappaı kásipkerlikti damytý baǵdarlamasy boıynsha qoldaý tapqan, nesıe jylyna 6%-ben alynǵan, bul óz kezeginde kásipkerge kepildik qamsyzdandyrýdyń jetispeýshiligine baılanysty nesıe somasynyń 10%-y kóleminde Damý qorynyń kepildemesin paıdalana otyryp, balalar baqshasyna qajetti qural-jabdyqtardy alý múmkindigin berdi. Oqytý jáne úıretý baǵdarlamasy ár jas ereksheligi boıynsha toptarǵa jasaqtalǵan, bul rette balalar baqshasynyń qyzmet kórsetý quny Aqtaý qalasy boıynsha ortasha naryq baǵasy deńgeıinde. Atalǵan joba aıasynda kompanııa qosymsha 12 adamdy jumyspen qamtydy. Atap óterligi, kásipker QR Úkimetiniń 28.05.2010 jylǵy Qaýlysymen bekitilgen tárbıelenýshilerge sýbsıdııa alýǵa arnalǵan «Balapan» memlekettik baǵdarlamsynyń qatysýshysy bolyp tabylady.
Memlekettiń qoldaýyn alǵan kásiporyndar boıynsha baspasóz-týry aıaqtalǵan soń «Damý» Qorynyń Mańǵystaý fılıalynyń dırektory G.Qalymbetova «Damý» Qorynyń Mańǵystaý fılıalynyń jumysyna toqtalyp, kásipkerlikti damytýǵa baǵyttalǵan baǵdarlamalardy iske asyrý týraly aıta kelip, jýrnalıster suraqtaryna jaýap berdi, sondaı-aq, «Damý» Qorynyń negizgi qyzmetterimen, kásipkerlerge qarjylaı qoldaý kórsetý, kásipkerler quzyrettiligin damytýmen tanystyrdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
